Езекиль 36:26 - Коми Библия 2023

²⁶ Ме сета тіянлы выль сьӧлӧм, пукта тіян пытшкӧ выль лов. Нетшышта морӧс кудсьыныд из сьӧлӧмнытӧ да сы пыдди пукта яй сьӧлӧм.

Езекиль 36:26 ပူးပေါင်းရင်းမြစ်များ

Псалтыр 51:10

А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 39:29

Ме ог нин кут дзебны Ассьым чужӧмбанӧс Израиль войтырысь, а кисьта на вылӧ Ассьым Лолӧс, – висьталӧ Господь Ыджыдыс».

Закар 7:12

Сьӧлӧмнысӧ чорзьӧдісны, эз кутны кывны Индӧдсӧ да сійӧ, мый Господь Саваофлӧн Лолыс висьтавліс воддза пророкъяс пыр. Таысь найӧс суис Господь Саваофлӧн ыджыд скӧрлуныс.

Матвей 13:5

Кымынкӧ кӧйдыс усяс изъяинӧ. Этша муыс вӧсна ляпкыдінад найӧ ӧдйӧ чужасны.

Лука 5:38

Выль винатӧ кисьтӧны выль кучик дозйӧ. Сэки кыкнанныс дзонь колясны.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

2 Коринфӧ 3:3

Быдӧнлы тыдалана, мый ті – Кристослӧн гижӧдыс. Сійӧс гижӧма Ен Лолӧн, абу чернилаӧн, гижӧма морт сьӧлӧмӧ, абу шыльӧдӧм из вылӧ. Татшӧм гижӧднас ті лоинныд миян кесъялӧм пыр.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Галатӧ 6:15

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колӧ, медым выль морт тэ вӧлін.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Восьтӧм 21:5

Юралан пуклӧсын Пукалысь шуис: «Видзӧд, Ме ставсӧ вӧча выльӧс!» Сэсся содтіс: «Гиж тайӧс, ӧд тайӧ кывъясыс веськыдӧсь да збыльӧсь».

Ӧксыяслӧн 1 небӧг 10:9

Сӧмын Саул бергӧдчис, мед мунны Самуил дорысь, Енмыс сетіс сылы выль сьӧлӧм. Сійӧ лунӧ иніс ставыс, мый Самуил шуис Саул йылысь.