1 Меным вӧлі Господьсянь кыв:
Думай йылысь водзвыв висьталӧм. Сеир керӧсвыв мусянь меным горзӧны: «Кар видзысь, дыр-ӧ на асылӧдзыс? Кар видзысь, оз-ӧ на войыс помась?»
– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.
– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.
Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?
Меным вӧлі Господьсянь кыв:
«Господь Ыджыдыс тадзи висьталӧ: эдом войтыр ёна мыжмис, ӧд чорыда водзӧс перйис Иуда войтырлысь.
Ті – Менам ыжъясыс, Менам видз вылысь ыж чукӧрыс. Ті – мувывса йӧз, а Ме – тіян Ен, – висьталӧ Господь Ыджыдыс».
«Морт пиӧй, бергӧд чужӧмтӧ Сеир керӧсвыв мулань да пророкав сылы паныд.
Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.
Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»
Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.
