Езекиль 34:23 - Коми Библия 2023

²³ Ме сувтӧда Аслам ыжъяслы видзысьӧс, Ассьым Давид кесйӧгӧс. Сійӧ кутас видзны найӧс да тӧждысьны на вӧсна.

Езекиль 34:23 ပူးပေါင်းရင်းမြစ်များ

Еклесиаст 12:11

Мывкыдалӧн кывъясыс ӧшкӧн веськӧдлан ёсь бедь кодьӧсь, шусьӧгъясыс – сатшкысь кӧрттув кодьӧсь. Найӧс лӧсьӧдӧма ачыс ыж видзысьыс.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Еремей 3:15

Ме сета тіянлы видзысьясӧс, кодъяс лоӧны Меным сьӧлӧм серти. Найӧ пондасны видзны тіянӧс мывкыдлунӧн да вежӧрлунӧн.

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Еремей 30:9

а кутасны кесъявны Господьлы, асланыс Енлы, да Давидсянь чужысьлы, кодӧс Ме пукта налы ӧксыӧ.

Еремей 33:14

«Воасны лунъяс, – висьталӧ Господь, – кор Ме збыльмӧда Ассьым кӧсйысьӧмӧс, мый шулі Израиль войтырлы да Иуда войтырлы.

Езекиль 34:13

Ме вайӧда найӧс мукӧд войтыръяс пӧвстысь, чукӧрта найӧс мукӧд муясысь асланыс муӧ. Ме кута видзны найӧс Израиль керӧсъяс вылын да визувтысь ва дорын – быдлаын, кӧні найӧ кутасны овны.

Езекиль 34:15

Ме Ачым кута видзны ыж чукӧрӧс, Ме Ачым шойччӧда найӧс, – висьталӧ Господь Ыджыдыс. –

Езекиль 37:22

Сэні, Израиль керӧсъяс вылын, Ме вӧча найӧс ӧти войтырӧн. Налӧн лоӧ ӧти ӧксы. Найӧ оз нин кутны юксьыны кык войтыр вылӧ да оз нин овны кык ӧксылӧн юралӧм улын.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Иоан 10:11

Ме эм ыжъяслы бур видзысь. Бур видзысь сетӧ ассьыс олӧмсӧ ыжъясыс вӧсна.

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.