Езекиль 33:28 - Коми Библия 2023

²⁸ Тайӧ мусӧ Ме кушта, и бырас сылӧн выныс, мыйӧн сійӧ ошйысьӧ. Овтӧммасны Израиль керӧсъяс, сэті ветлысь-мунысьыс оз ло.

Езекиль 33:28 ပူးပေါင်းရင်းမြစ်များ

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Исай 41:15

Ме вӧча тэнӧ выль да ёсь пиня вартан гӧгыльӧн, тэ пондан вартны да жуглыны керӧсъяс, кыдйӧс моз тэ шердъян-разӧдан мылькъяс.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Еремей 16:16

Ме мӧдӧда уна чери кыйысьӧс, – висьталӧ Господь, – найӧ пондасны чериӧс моз кыйны Иуда войтырӧс. Сэсся мӧдӧда уна вӧралысьӧс, кодъяс пондасны вӧтлыны найӧс керӧсъяс да мылькъяс вылысь, тшӧтш кырта потасъясысь.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Еремей 44:2

«Господь Саваоф, Израильлӧн Ен, тадзи висьталӧ: ті аддзылінныд став шогсӧ, мый Ме мӧдӧді Ерусалимлы да мукӧд иудаса каръяслы. Ӧні сэні из чукӧръяс, и олысьыс абу.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 44:6

Та вӧсна киссис Менам скӧрлунӧй да ярлунӧй, кутіс ыпъявны иудаса каръясын да ерусалимса уличьяс вылын. Ӧнӧдз тайӧ каръясыс – из чукӧр да овтӧмин.

Еремей 52:27

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Езекиль 15:8

Найӧ эновтісны Менӧ, та вӧсна Ме вӧча налысь мусӧ овтӧминӧн, – висьталӧ Господь Ыджыдыс».

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Езекиль 33:29

Ме вӧча тайӧ мусӧ овтӧминӧн сэні олысьяслӧн зывӧк уджъяс вӧсна. Сэки найӧ тӧдмаласны, мый Ме – Господь.

Езекиль 36:4

Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Езекиль 5:14

Ерусалим, Ме вӧча тэнӧ из чукӧрӧн, тэ гӧгӧр олысь войтыръяслы да тэ дінті ветлысь-мунысьяслы сета тэнӧ лёкӧдны.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Езекиль 7:24

Ме вайӧда лёксьыс-лёк войтыръясӧс, и найӧ босьтасны Ерусалимын олысьяслысь керкаяссӧ. Вынаяслӧн ыкшаасьӧмлы Ме пукта пом, вежаинъяснысӧ лоӧ пежалӧма.

Левит 26:19

Тіянлысь пыксьӧм-асныралӧмнытӧ Ме песовта. Вӧча сідзи, мый тіян весьтын енэжыс кӧрт кодь лоӧ, а муныд – ыргӧн кодь.

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.

Софоний 1:2

– Ме ставсӧ бырӧда му вывсьыс, – висьталӧ Господь, –