Езекиль 33:24 - Коми Библия 2023

²⁴ «Морт пиӧй, Израиль муын пазӧдӧм каръясӧ кольӧм йӧзыс шуӧны, Ӧвраамлы пӧ вӧлі вичмӧдӧма нин тайӧ мусӧ, кор сылӧн пиыс эз на вӧв. Ми пӧ унаӧсь, и миянлы сетӧма тайӧ мусӧ.

Езекиль 33:24 ပူးပေါင်းရင်းမြစ်များ

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Исай 51:2

Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.

Еремей 39:10

Сӧмын войтыр пӧвстысь медся гӧльяссӧ, кодъяслӧн нинӧм эз вӧв, Навузардан, ӧксыӧс видзысьяслӧн юралысь, кольӧдіс овны Иуда муӧ да сетіс налы виноград йӧръяс да видз-муяс.

Еремей 40:7

Иудаса тышкайӧзӧн веськӧдлысьяс, кодъяс асланыс йӧзкӧд дзебсясисны кар сайын, кылісны, мый вавилонса ӧксы пуктӧма Ахикамлысь Гедалий писӧ веськӧдлыны Иуда муӧн да сетӧма сылӧн кипод улӧ медся гӧль айуловӧс, аньясӧс да челядьӧс, кодъясӧс эз нуӧдны Вавилонӧ.

Еремей 41:7

Кор найӧ пырисны карас, Нетанийлӧн Измаил пиыс аслас йӧзкӧд виисны найӧс да шыбитісны шойяссӧ юкмӧсӧ.

Езекиль 11:15

«Морт пиӧй, Ерусалимын олысьяс сёрнитӧны тэнад матыссаяс, вокъяс да рӧдвуж йылысь, став Израиль войтыр йылысь. Найӧ шуӧны, тайӧ мусӧ пӧ сетӧма миянлы, а найӧ мед олӧны ылын Господьсянь.

Езекиль 33:23

Меным вӧлі Господьсянь кыв:

Езекиль 33:27

Шу налы, мый Господь Ыджыдыс тадзи висьталӧ: Ме Ачым кыв сетӧмӧн шуа, мый пазӧдӧм каръясӧ кольӧм йӧзыс шыпурт помысь куласны. Найӧс, кодъяс олӧны видз-му вылын, Ме сета зверъяслы сёйны. Изкаръясын да кырта горсъясын дзебсясьысьяс куласны пӧрӧс висьӧмысь.

Езекиль 34:2

«Морт пиӧй, пророкав Израиль войтырӧс видзысьяслы паныд. Шу налы, мый Господь Ыджыдыс тадзи висьталӧ: курыд шог Израиль войтырӧс видзысьяслы, кодъяс тӧждысьӧны сӧмын ас вӧснаныс, а войтыр вӧснаыс оз тӧждысьны.

Езекиль 36:4

Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Матвей 3:9

Энӧ лысьтӧй мӧвпавны, мый тіян батьныд Ӧвраам. Висьтала тіянлы: тайӧ изъясысь Ен вермӧ вӧчны Ӧвраамлы ныв-писӧ.

Лука 3:8

Олӧмнад петкӧдлӧй мыжъяссьыныд бергӧдчӧмнытӧ. Энӧ лысьтӧй мӧвпавны, мый тіян батьныд Ӧвраам. Висьтала тіянлы: тайӧ изъясысь Ен вермӧ вӧчны Ӧвраамлы ныв-писӧ.

Иоан 8:33

Найӧ вочавидзисны: «Ми – Ӧвраамсянь чужысьяс, ми некор эгӧ вӧлӧй кесйӧг туйынӧсь. Сідзкӧ, мыйла Тэ шуан, мый ми мездмам?»

Иоан 8:39

Найӧ вочавидзисны: «Миян батьным Ӧвраам». Исус шуис налы: «Ті кӧ Ӧвраамлӧн ныв-пи, вӧчинныд эськӧ Ӧвраам ног.

Ап. уджъяс 7:5

Енмыс эз сет Ӧвраамлы татысь весиг кок пыдӧс пасьта му. Но кор Ӧвраам вӧлі ныв-питӧм на, Енмыс кӧсйысис сетны сылы да сысянь чужысьяслы мусӧ.

Римӧ 4:12

Сійӧ бать тшӧтш вундыштчӧмаяслы, кодъяс эз сӧмын вундыштчыны, но Ӧвраам батьным моз ветлӧны эскӧмыслӧн туйӧд, кыті ветліс сійӧ вундыштчытӧдзыс на.

Римӧ 9:7

Ӧвраамсянь чужысьяс абу ставныс Ӧвраамлӧн ныв-пи. Вӧлі шуӧма: «Исааксянь чужысьясӧс шуасны тэнад ныв-пиӧн».

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.