Езекиль 32:6 - Коми Библия 2023

⁶ Мусӧ юктала тэнад вирӧн – керӧсъяс вирӧссясны, сёртасъяс тырасны вирӧн.

Езекиль 32:6 ပူးပေါင်းရင်းမြစ်များ

Петӧм 7:17

та вӧсна Господь тадзи висьталӧ: ӧні тэ тӧдмалан, мый Ме – Господь. Тайӧ бедьнас ме вачка Нил юлӧн ва веркӧсас, и ваыс пӧрас вирӧ.

Исай 34:3

Налысь виӧмаяссӧ колясны разі-пели куйлыны, налӧн шойясыс пондасны лёк дукӧн ӧвтны, налӧн вирысь ньӧдздасны керӧсъяс.

Исай 34:7

Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Езекиль 35:6

Та вӧсна Ме Ачым кыв сетӧмӧн шуа, – висьталӧ Господь Ыджыдыс, – мый Ме вевття тэнӧ вирӧн. Вир кисьтӧмлы оз во помыс, ӧд тэ эн зывӧкты сійӧс.

Езекиль 35:8

Сеирса керӧсъяс Ме тырта шойясӧн. Шыпурт помысь виӧмаяс пондасны туплясьны сылӧн ыбъяс вылын, ковтысъясын да сёртасъясын.

Восьтӧм 14:20

Кор виноград вотӧссӧ вӧлі талялӧма кар ортсыса пычкан гуын, сэтысь вирыс петіс ортсӧ да визувтіс сюрс квайтсё стадий ылнаӧдз. Вирыслӧн джудждаыс вӧлі вӧв домӧдз.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.