Езекиль 32:30 - Коми Библия 2023

³⁰ Сэні куйлӧны войвывса юралысьяс да сидонсаяс, кодъяс лэччисны виӧмаяс пӧвстӧ. Коркӧ вӧліны повзьӧдана ёнӧсь, а ӧні янӧдӧма тайӧ вундыштчытӧм йӧзсӧ, кодъяс куйлӧны шыпуртӧн виӧмаяс пӧвстын, налы яндзим, ӧд куйлӧны кулӧмаяскӧд му пыдӧсас.

Езекиль 32:30 ပူးပေါင်းရင်းမြစ်များ

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Еремей 25:26

тшӧтш войвылысь став ӧксысӧ, ӧта-мӧдсьыныс матын и ылын олысьясӧс, да став мувывса войтыръяссӧ. Шешакысь ӧксы юас медбӧръяӧн.

Езекиль 26:20

Ме шыбита тэнӧ пыдӧстӧминӧ, мӧдӧда важӧн нин кулӧмаяс пӧвстӧ, овмӧда му пыдӧсӧ, важӧн нин пазӧдӧм каръяс пӧвстӧ. Тэнад керкаясыд кушмасны, но ловъяяслысь мусӧ Ме мичмӧда.

Езекиль 28:10

Тэ вундыштчытӧм морт моз кулан йӧз муысь локтысьяслӧн киысь. Тайӧс шуи Ме, – висьталӧ Господь Ыджыдыс».

Езекиль 28:21

«Морт пиӧй, бергӧд чужӧмтӧ Сидонлань да пророкав сылы паныд.

Езекиль 28:23

Ме мӧдӧда Сидонӧ пӧрӧс висьӧм, сылӧн уличьяс вылын лоӧ вир кисьтӧм. Вӧрӧг уськӧдчас быд боксянь и виалас сидонсаясӧс. Сэки найӧ тӧдмаласны, мый Ме – Господь.

Езекиль 38:15

Тэ петан аслад муысь, ылі войвылысь. Тэкӧд петасны уна войтыръясысь верзьӧмаяс, лыдтӧм-тшӧттӧм вына тышкайӧз.

Езекиль 38:6

нӧшта гомер войтырлӧн тышкайӧзыс да ылі войвылын олысь Тогарма рӧдлӧн тышкайӧзыс. Тэкӧд лоӧны уна войтыръяс.

Езекиль 39:2

Ме бергӧда тэнӧ, кыска тэнӧ ылі войвылысь да вайӧда Израиль керӧсъяс вылӧ.