Езекиль 32:10 - Коми Библия 2023

¹⁰ Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.

Езекиль 32:10 ပူးပေါင်းရင်းမြစ်များ

Ӧксыяслӧн 3 небӧг 9:8

Тайӧ ыджыд крам дінті мунысь весьӧпӧрӧмӧн да шутёвтӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

Исай 30:32

Выльысь и выльысь Господь кутас нӧйтны сійӧс тимпан да гусли ворсан шы улӧ. Аслас кинас повзьӧдӧмӧн Господь петас сылы паныд тышӧ.

Еремей 51:9

– Ми зілим бурдӧдны Вавилонӧс, но сійӧ эз бурд. Эновтӧй сійӧс! Быдӧн мунамӧй асланым муӧ, ӧд Вавилонӧс мыждӧмыс сэтшӧм ыджыд, мый воис енэжӧдз, кыпӧдчис кымӧръясӧдз.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Езекиль 27:35

Тэ йылысь кылігӧн саридз дорын олысьяс весьӧпӧрисны, налысь ӧксыяссӧ тіралӧм босьтіс, чужӧмныс вежсис.

Езекиль 30:9

Сійӧ лунӧ корабльяс вылын мӧдӧдчасны Менам юӧр вайысьяс, медым повзьӧдны повтӧг олысь эфиопияса войтырӧс. Найӧ весьӧпӧрасны Египетӧс бырӧдан лунӧ, мый регыд нин лоӧ.

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Индӧд 29:24

Сэки войтыръяс юаласны: ”Мый вӧсна Господь тадзи вӧчис тайӧ муыслы? Мыйла Сійӧ та выйӧдз скӧрмис?”

Индӧд 32:41

чардби моз сявкйысь шыпуртӧс Ме ёсьта, Аслам киӧн Ме мыжда, Меным паныд сувтысьяслысь водзӧс перъя, Менӧ мустӧмтысьяслы мынтыся.

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!