Езекиль 31:9 - Коми Библия 2023

⁹ Ме вӧчи сійӧс мичаӧн, быдті сылы уна вож. Эдэмын, Енлӧн сад йӧрын, быдмысь пуяс вежалісны сылы.

Езекиль 31:9 ပူးပေါင်းရင်းမြစ်များ

Олӧм 13:10

Лот аддзис, мый Йӧрдан ковтыс Цоар карӧдз вӧлі Господьлӧн сад йӧр кодь да уна ваа Египет му кодь. Тайӧ вӧлі Господьӧн Содом да Гомора каръяс бырӧдтӧдз на.

Олӧм 26:14

Сылӧн вӧліны ыжъяс, мӧсъяс да уна кесйӧг, мый вӧсна филистимсаяс кутісны вежавны сылы.

Олӧм 37:11

Вокъяс лӧгалісны Ӧсип вылӧ, а батьыс сьӧлӧмас босьтіс сылысь висьталӧмсӧ.

Петӧм 9:16

но Ме тэнӧ ловйӧн коля. Тадзи Ме петкӧдла тэныд Ассьым вынӧс, медым Менсьым нимӧс тӧдісны став му пасьталаыс.

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Езекиль 16:14

Мукӧд войтыръяс пӧвстын тэ нималін аслад тыр-бур мичлуннад, мыйӧн Ме вевтти тэнӧ, – висьталӧ Господь Ыджыдыс.

Езекиль 17:22

Господь Ыджыдыс тадзи висьталӧ: Ме чега джуджыд сус пулысь туган йывсӧ, сӧмын на мыччысьӧм петассӧ, да пукта сійӧс быдмыны муӧ джуджыд керӧс вылӧ.

Езекиль 17:24

Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Езекиль 31:16

Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Езекиль 31:18

Ӧні тэ вына да нималана, но кутшӧм эдэмса пукӧд тэнӧ позьӧ ӧткодявны? Эдэмса пуясӧс моз тэнӧ тшӧтш лоӧ шыбитӧма му пыдӧсас, тэ пондан куйлыны вундыштчытӧмъяс пӧвстын да шыпурт помысь кулӧмаяс пӧвстын. Со мый виччысьӧ фараонӧс да сылысь уна лыда войтырсӧ, – висьталӧ Господь Ыджыдыс».

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Ӧксыяслӧн 1 небӧг 18:15

Саул аддзис, мый Давид быдлаын вермӧ, та вӧсна поліс сыысь.