Езекиль 31:3 - Коми Библия 2023

³ Ассуркӧд. Сійӧ коркӧ вӧлі ливанса сус пу кодь, мича вожъяса джуджыд пу, вуджӧрнас сайӧдысь, туганнас быдмис мукӧд пуясысь вылӧджык.

Езекиль 31:3 ပူးပေါင်းရင်းမြစ်များ

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Еремей 17:8

Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.

Еремей 50:18

Та вӧсна Господь Саваоф, Израильлӧн Ен, тадзи висьталӧ: Ассурса ӧксыӧс моз Ме мыжда вавилонса ӧксыӧс да сылысь мусӧ.

Езекиль 17:22

Господь Ыджыдыс тадзи висьталӧ: Ме чега джуджыд сус пулысь туган йывсӧ, сӧмын на мыччысьӧм петассӧ, да пукта сійӧс быдмыны муӧ джуджыд керӧс вылӧ.

Езекиль 19:11

Ёнӧсь вӧліны вожъясыс, юралан бедьяс наысь вӧчисны. Сійӧ пашкыртчис да вылӧ кыпӧдчис, лои джуджыд да уна вожа, та вӧсна ылӧдз тыдаліс.

Езекиль 31:10

Господь Ыджыдыс тадзи висьталӧ: сус пуыс быдмис джуджыда, мукӧд пуясысь вылӧджык, да ышнясис.

Езекиль 31:16

Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Езекиль 31:17

Ӧд сус пуыскӧд лэччисны пыдӧстӧминӧ шыпурт помысь кулӧмаяс пӧвстӧ тшӧтш найӧ, кодъяс войтыръяс пӧвстысь ёртасисны сыкӧд да дзебсясисны сылӧн вуджӧр улын.

Езекиль 31:5

Та вӧсна сус пу быдмис, мукӧд пуясысь лои джуджыд. Сылӧн быдмис уна вож, увъясыс нюжалісны, ӧд сылы тырмымӧн вӧлі ваыс.

Езекиль 31:6

Вожъясас поздысьлісны енэжвывса лэбачьяс, пу улас пиянасьлісны вӧрса пемӧсъяс, вуджӧр улас олісны вына войтыръяс.

Езекиль 31:8

Весиг Енлӧн сад йӧрын сус пуяс вӧліны ичӧтджыкӧсь, кипарислӧн эз вӧвны сэтшӧм вожъясыс, платан пулӧн – сэтшӧм увъясыс. Енлӧн сад йӧрын ни ӧти пу эз вӧв сы кодь мича.

Езекиль 32:22

Сэні куйлӧ Ассур да став ассурса войтырыс, ставнысӧ шыпуртӧн виӧма, гӧгӧр дзебанінъяс.

Даниил 4:10

Вольпасьын куйлігӧн менам вӧлі нӧшта аддзылӧм, мый енэжсяньыс лэччис вежа андел-видзысь.

Даниил 4:12

Но мырсӧ вужъяснас кольӧй муас, дорӧй сійӧс кӧрт да ыргӧн чепъясӧн. Енэжвывса лысваыс мед кӧтӧдас сійӧс видз вылын, пемӧсъяскӧд ӧтлаын мед олас турун пӧвстын.

Даниил 4:7

Вольпасьын куйлігӧн менам вӧлі татшӧм аддзылӧм: Му шӧрас сулаліс зэв джуджыд пу,

Софоний 2:13

Господь нюжӧдас Ассьыс кисӧ войвывлань да бырӧдас Ассур му, Сійӧ пазӧдас Ниневия кар, вӧчас сійӧс кос муӧн, овтӧминӧн.

Закар 11:1

Восьт ассьыд дзиръяястӧ, Ливан, мед биыс ньылыштас тэнсьыд сус пуястӧ.

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Ёрдысьяс 9:15

Но сійӧ шуис: ”Ті кӧ веськыдӧсь да мавтыштӧмӧн пуктанныд менӧ аслыныд ӧксыӧ, локтӧй ыркӧдчыны менам вуджӧр улӧ. А ті кӧ абу веськыдӧсь, лежнӧгысь петас би да сотас ливанса сус пуяс”.