Езекиль 31:17 - Коми Библия 2023

¹⁷ Ӧд сус пуыскӧд лэччисны пыдӧстӧминӧ шыпурт помысь кулӧмаяс пӧвстӧ тшӧтш найӧ, кодъяс войтыръяс пӧвстысь ёртасисны сыкӧд да дзебсясисны сылӧн вуджӧр улын.

Езекиль 31:17 ပူးပေါင်းရင်းမြစ်များ

Псалтыр 9:17

Господьӧс тӧдмалӧны Сылӧн веськыда мыждӧмыс серти – лёк вӧчысь шедӧ аслас киӧн вӧчӧм налькйӧ.

Исай 14:9

Пыдӧстӧминыс шызьӧма, воча петӧ паныдавны тэнӧ. Тэ вӧсна сійӧ садьмӧдіс муюгыдса став кулӧм юралысьсӧ, чеччӧдіс юралан пуклӧсысь войтыръяслысь ӧксыяссӧ.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Езекиль 31:12

Йӧз муысь локтысьяс кералісны сійӧс, скӧрсьыс-скӧр войтыр колис сійӧс куйлыны керӧс вылӧ. Сылӧн вожъясыс усьласисны ковтысъясӧ, чегъясьӧм увъясыс – сёнъясӧ. Войтыръяс петісны сылӧн вуджӧр улысь, найӧ эновтісны сійӧс.

Езекиль 31:3

Ассуркӧд. Сійӧ коркӧ вӧлі ливанса сус пу кодь, мича вожъяса джуджыд пу, вуджӧрнас сайӧдысь, туганнас быдмис мукӧд пуясысь вылӧджык.

Езекиль 31:6

Вожъясас поздысьлісны енэжвывса лэбачьяс, пу улас пиянасьлісны вӧрса пемӧсъяс, вуджӧр улас олісны вына войтыръяс.

Марк 4:32

Кӧдзӧм бӧрас быдмӧ да став пуктассьыс ыджыд лоӧ, весиг енэжвыв лэбачьяс вермӧны поздысьны гырысь вожъясыслӧн вуджӧр улӧ».