Езекиль 30:5 - Коми Библия 2023

⁵ Эфиопия, Ливия, Луд да Кув муясысь войтыр, Египетын олысь сорласьӧм войтыр да Менам йитӧдлӧн муысь локтӧм войтыр египетсаяскӧд ӧтвылысь шыпурт помысь куласны.

Езекиль 30:5 ပူးပေါင်းရင်းမြစ်များ

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

Исай 18:1

Курыд шог дзизгысь гут-гаглӧн мулы, эфиопияса юяс мӧдлапӧлын куйлысь мулы.

Исай 20:4

Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

Еремей 25:20

юктӧді сорласьӧм войтыръясӧс, Уц да Филистим муясысь ӧксыясӧс, филистимса Аскалон, Газа да Экрон каръясын олысьясӧс, тшӧтш Азот карын ловйӧн кольӧмаясӧс.

Еремей 25:24

Ме юктӧді Аравияысь ӧксыясӧс да овтӧминын олысь войтыръяслысь ӧксыяссӧ,

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Еремей 50:37

Шыпурт кыпӧдӧма вавилонса вӧвъяс да тарантасъяс весьтӧ, йӧз муысь локтӧм шыпуртаяс весьтӧ, и найӧ аньяс моз повзясны. Шыпурт кыпӧдӧма вавилонсаяслӧн озырлун весьтӧ, и найӧс лоӧ куштӧма.

Езекиль 27:10

Персияысь, Лудысь да Ливияысь айулов кесъялісны тэнад тышкайӧз пӧвстын. Сайӧдъяснысӧ да юртупкӧдъяснысӧ найӧ ӧшлывлісны, медым тэ дзирдалін.

Езекиль 38:5

Накӧд лоӧны Персияысь, Эфиопияысь да Ливияысь сайӧда-юртупкӧда тышкайӧз,

Даниил 11:43

Сійӧ босьтас Египетысь зарни, эзысь да став мукӧд озырлунсӧ. Ливияса да эфиопияса войтыр сетчасны сылӧн кипод улӧ.

Софоний 2:12

Ті, Эфиопия войтыр, куланныд Менам шыпуртысь.