Езекиль 30:4 - Коми Библия 2023

⁴ Вӧрӧг уськӧдчас Египет вылӧ, виалас шыпуртӧн египетсаясӧс, босьтас Египетлысь озырлунсӧ да подулӧдзыс кисьтас-бырӧдас сійӧс. Сэки Эфиопияӧс полӧм босьтас.

Езекиль 30:4 ပူးပေါင်းရင်းမြစ်များ

Исай 16:7

Та вӧсна Моавлы ковмас бӧрдны ас вӧснаыс, моавсаяс ставныс бӧрдӧны. Кир-Харешетын ті чукӧртлінныд-косьтылінныд виноград, тайӧс воштӧм вӧсна ӧні ті бӧрданныд.

Исай 18:1

Курыд шог дзизгысь гут-гаглӧн мулы, эфиопияса юяс мӧдлапӧлын куйлысь мулы.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 20:3

Господь шуис: «Менам Исай кесйӧгӧй куим во чӧж ветлӧдліс пасьтӧг да кӧмтӧг. Тайӧ – Египетлы да Эфиопиялы пас.

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Езекиль 28:23

Ме мӧдӧда Сидонӧ пӧрӧс висьӧм, сылӧн уличьяс вылын лоӧ вир кисьтӧм. Вӧрӧг уськӧдчас быд боксянь и виалас сидонсаясӧс. Сэки найӧ тӧдмаласны, мый Ме – Господь.

Езекиль 29:12

Египет муӧс Ме вӧча кушмӧм муяс пӧвстын овтӧминӧн. Сылӧн каръясын нелямын во чӧж оз ло олысьыс. Найӧ лоӧны мукӧд пазӧдӧм каръяс кодьӧсь. Ме разӧда египетса войтырӧс мукӧд войтыръяс пӧвстӧ, шердъя найӧс мукӧд муясӧ.

Езекиль 29:19

Та вӧсна Господь Ыджыдыс тадзи висьталӧ: Ме сета вавилонса Навукодоносор ӧксылы Египет муӧс. Сійӧ куштас-мырддяс Египетлысь озырлунсӧ, нуас сэтысь ставсӧ. Тайӧ и лоас сылӧн тышкайӧзыслы удждоннас.

Езекиль 29:8

Та вӧсна Господь Ыджыдыс тадзи висьталӧ: Ме вайӧда тэ вылӧ шыпурт, бырӧда тэнсьыд йӧзтӧ да ыж-мӧстӧ.

Езекиль 38:5

Накӧд лоӧны Персияысь, Эфиопияысь да Ливияысь сайӧда-юртупкӧда тышкайӧз,

Даниил 11:43

Сійӧ босьтас Египетысь зарни, эзысь да став мукӧд озырлунсӧ. Ливияса да эфиопияса войтыр сетчасны сылӧн кипод улӧ.

Софоний 2:12

Ті, Эфиопия войтыр, куланныд Менам шыпуртысь.