Езекиль 30:3 - Коми Библия 2023

³ ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Езекиль 30:3 ပူးပေါင်းရင်းမြစ်များ

Псалтыр 110:6

Уджъясыс пыр Сійӧ петкӧдліс войтырыслы Ассьыс вынсӧ, вичмӧдіс налы войтыръяслысь муяссӧ.

Псалтыр 37:13

Менсьым олӧмӧс корсьысьяс октӧны меным нальк, меным лёксӧ вӧчны кӧсйысьяс мӧвпалӧны менӧ виӧм йылысь, найӧ быд лун наяна сёрнитӧны меным паныд.

Петӧм 14:20

Тадзи кымӧр сюръяыс лои египетса йӧз да Израиль войтыр костын. Кымӧр сюръяыс египетсалы вӧлі сьӧд пемыдӧн, а израильсалы сійӧ войбыд югдӧдіс. Тадзи кык войтыр эз вермыны матыстчыны ӧта-мӧд дінас.

Петӧм 14:24

Кыа петтӧдз Господь видзӧдліс би да кымӧр сюръя пытшсяньыс египетса тышкайӧз вылӧ да шӧйӧвоштіс найӧс.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 13:9

Господьлӧн мыждан луныс локтӧ ыджыд лӧглунӧн да ыпъялан скӧрлунӧн, медым вӧчны мусӧ овтӧминӧн да бырӧдны му вылысь мыжаясӧс.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Еремей 25:31

Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Езекиль 29:12

Египет муӧс Ме вӧча кушмӧм муяс пӧвстын овтӧминӧн. Сылӧн каръясын нелямын во чӧж оз ло олысьыс. Найӧ лоӧны мукӧд пазӧдӧм каръяс кодьӧсь. Ме разӧда египетса войтырӧс мукӧд войтыръяс пӧвстӧ, шердъя найӧс мукӧд муясӧ.

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Езекиль 32:7

Тэнӧ кусӧдігӧн-бырӧдігӧн Ме тупка енэжсӧ, пемдӧда кодзувъяссӧ, шондісӧ тупка кымӧрӧн, и тӧлысьыс югзьӧднысӧ дугдас.

Езекиль 34:12

Кыдзи ыж видзысь корсьӧ ассьыс разалӧм ыжъяссӧ, тадзи Ме корся Ассьым ыжъясӧс. Ме петкӧда найӧс быдлаысь, кытчӧ найӧ разалісны пемыд да кымӧра лунӧ.

Езекиль 7:10

Матыстчӧ сійӧ луныс, суас тіянӧс мыждӧмыс. Дзескӧдӧмӧн юралӧм паськалӧ, ыкшалун быдмӧ,

Езекиль 7:12

Воис кад, матыстчӧ лун. Ньӧбысь мед оз нимкодясь, вузалысь мед оз бӧрд, ӧд ставныс вылӧ киссьӧ скӧрлунӧй.

Езекиль 7:19

Найӧ эзысьнысӧ ывлаӧ шыбитасны, зарнинысӧ пежӧн лыддясны. Господьлӧн скӧралан лунӧ эзысь ни зарни оз мезды найӧс, ӧд эзысь-зарнитӧ он сёй, кынӧмтӧ наӧн он пӧткӧд. Буретш эзысь-зарниӧ найӧ крукасисны, мыжас вӧйисны.

Езекиль 7:7

Мыждӧм суис тіянӧс, Израиль муын олысьясӧй. Воис кад, матын сійӧ луныс, кор шызьӧм кутас кывны керӧсъяс вылын, а оз нимкодясьӧм.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Авдий 1:15

Но матыстчӧ Господьлӧн луныс, став войтыръясӧс мыждан лун. Кыдзи тэ, Эдом, вӧчин, сідзи жӧ тэкӧд вӧчасны, тэнад вӧчӧмторъясысь водзӧс перъясны.

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Матвей 24:33

Тадзи, ставсӧ тайӧс аддзигӧн, тӧдӧй, мый сійӧ кадыс матын, ӧдзӧс дорад нин.

Филипӧ 4:5

Тіян рамлунныд мед тыдалас быдӧнлы. Господь матын нин.

Яков 5:9

Вокъяс, энӧ мыжалӧй ӧта-мӧднытӧ, медым Енмыс эз мыжды тіянӧс. Мыждысьыс сулалӧ нин ӧдзӧс дорын.

Восьтӧм 6:17

Ӧд Сылӧн ыджыд Скӧралан луныс воис нин. Коді вермас сулавны?»