Езекиль 30:13 - Коми Библия 2023

¹³ Господь Ыджыдыс тадзи висьталӧ: Мемфисысь Ме бырӧда идолъясӧс да ылӧг енъясӧс, Египетӧс Ме коля ӧксытӧг. Ме повзьӧда-весьӧпӧрта Египетӧс,

Езекиль 30:13 ပူးပေါင်းရင်းမြစ်များ

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Исай 2:18

идолъяс дзикӧдз бырасны.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Еремей 2:16

Мемфис да Тафнис каръясын олысьяс кушӧдз шырисны тэнсьыд юртӧ.

Еремей 43:12

Египетса енъяслы юрбитанінъяссӧ Ме бырӧда биӧн. Вавилонса ӧксы сотас юрбитанінъяссӧ, а бӧлбанъяссӧ босьтас аскӧдыс. Кыдзи ыж видзысь босьталӧ аслас паськӧмысь тойяс, тадзи Навукодоносор босьтас Египет. Сэсся сійӧ лӧня мунас.

Еремей 43:13

Египет муын Он карысь сійӧ жуглас юрбитан изъяс, а египетса енъяслы юрбитанінъяссӧ сотас биӧн».

Еремей 44:1

Египет муын Мигдолын, Тафнисын, Мемфисын да Патросын олысь Иуда войтыр йылысь Еремейлы вӧлі Господьсянь кыв:

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Еремей 46:19

Чукӧрт ассьыд кӧлуйтӧ, Египет ныв, дасьтысьӧй мунны пленӧ, Египетын олысьяс! Ӧд Мемфис лоӧ овтӧминӧн, сэні оз коль олысьыс.

Еремей 46:25

Господь Саваоф, Израильлӧн Ен, висьталӧ: Ме мыжда Но карлысь Амон идолсӧ, фараонӧс, Египет му, сылысь енъяссӧ да ӧксыяссӧ. Ме мыжда фараонӧс да сы вылӧ лача кутысьясӧс.

Еремей 46:5

Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Езекиль 30:16

Египетӧс биӧн сота. Син кар пондас мучитчыны, Но карлысь стенъяссӧ лоӧ пазӧдӧма, а Мемфис вылӧ луншӧр кадӧ уськӧдчас вӧрӧг.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Закар 10:11

Найӧ вуджасны саридзті сьӧкыдыслӧн топӧдӧмысь, найӧ пасьвартасны саридзлысь гыяссӧ, Нил ю кушӧдз косьмас. Ассурлысь вылӧ кыпӧдчӧмсӧ лоӧ улӧ лэдзӧма, Египетлысь ыджыдалан вынсӧ лоӧ мырддьӧма.

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.