Езекиль 3:23 - Коми Библия 2023

²³ Ме чеччи да петі ковтысӧ. Сэні ме аддзи Господьлысь дзирдлунсӧ, и сійӧ вӧлі дзик сэтшӧм, кутшӧмӧс ме аддзылі Кевар ю бокын. Ме кымынь уськӧдчи муас.

Езекиль 3:23 ပူးပေါင်းရင်းမြစ်များ

Езекиль 1:28

Сійӧс кытшалысь дзирдалӧмыс вӧлі зэр дырйи кымӧръясын мыччысьӧм ӧшкамӧшка кодь.

Езекиль 10:18

Господьлӧн дзирдлуныс вешйис крам ӧдзӧс дорысь да вуджис херувимъяс вылӧ.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Езекиль 44:4

Морт вайӧдіс менӧ войвыв пыранінӧд крам водзӧ. Ме аддзи, мый Господьлӧн дзирдлуныс тыртіс крамсӧ, и ме кымынь уськӧдчи муас.

Езекиль 8:4

Сэні ме аддзи Израиль Енлысь сэтшӧм жӧ дзирдлунсӧ, кутшӧмӧс ме аддзылі ковтысын.

Езекиль 9:3

Сэки Израиль Енлӧн дзирдлуныс кыпӧдчис херувим вылысь да вуджис крам ӧдзӧслань. Господь корис шабді паськӧма мортӧс, кодлӧн вӧнь бердас вӧлі гижасянтор,

Даниил 8:17

Гавриил матыстчис сэтчӧ, кӧні ме сулалі. Сэки ме ёна повзи да кымынь уськӧдчи муас. Сійӧ шуис меным: «Мортӧй, тӧд, мый тэнад аддзылӧмыд бӧръя кад йылысь».

Лыд 16:19

Корей чукӧртіс вежа чом пыранін дорӧ став войтырсӧ, медым Мӧисейлы да Ааронлы паныд кыпӧдны найӧс. Сэки став войтырыс аддзис Господьлысь дзирдлунсӧ.

Лыд 16:42

Кор войтырыс чукӧртчис Мӧисей да Аарон дінӧ, найӧ бергӧдчисны вежа чомлань да аддзисны, кыдзи чомсӧ вевттис кымӧр, и сэні петкӧдчис Господьлӧн дзирдлуныс.

Ап. уджъяс 7:55

Вежа Лолӧн тырӧм Степан видзӧдліс енэжӧ. Сійӧ аддзис Енлысь дзирдлунсӧ да Ен веськыдладорын сулалысь Исусӧс.

Нав Исус 5:14

Сійӧ вочавидзис: «Абу. Ме – Господьлӧн тышкакотырӧн веськӧдлысь. Та вӧсна ме тані». Исус кымынь уськӧдчис муас да копыртчӧмӧн юаліс: «Ыджыдӧй, мый висьталан меным, аслад кесйӧглы?»

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Восьтӧм 4:10

сэки кызь нёль юрнуӧдысьыс уськӧдчӧны юралан пуклӧсын Пукалысь водзӧ да копыртчылӧны помтӧг Олысьлы. Ассьыныс юркытшсӧ пуклӧс водзӧ пуктӧмӧн найӧ шуалӧны:

Восьтӧм 5:14

Сэки енэжвыв нёль олысьыс шуисны: «Аминь!» А кызь нёль юрнуӧдысьыс уськӧдчисны да копыртчылісны помтӧг Олысьлы.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.