Езекиль 3:19 - Коми Библия 2023

¹⁹ Тэ кӧ ӧлӧдан лёк вӧчысьӧс, а сійӧ оз дугды лёксӧ вӧчны да оз бергӧдчы лёк туй вывсьыс, сэки сійӧ кулас аслас мыж вӧсна, а тэ мездан ассьыд олӧмтӧ.

Езекиль 3:19 ပူးပေါင်းရင်းမြစ်များ

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 14:20

и весиг кӧ сэні олісны Ной, Даниил да Иов, – висьталӧ Господь Ыджыдыс, – найӧ эськӧ эз вермыны мездыны ныв-пинысӧ, а асланыс веськыдлунӧн сӧмын асьнысӧ мездісны. Тайӧс Ме Ачым кыв сетӧмӧн шуа.

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 3:21

Но тэ кӧ ӧлӧдан веськыда олысьӧс, медым сійӧ мыжсӧ эз вӧч, и сійӧ оз вӧч мыжсӧ, сэки ловйӧн коляс, ӧд кывзіс ӧлӧдӧмсӧ. Тэ тшӧтш мездан ассьыд олӧмтӧ».

Езекиль 33:3

аддзас локтысь тышкайӧзӧс да кутас буксыны, медым ӧлӧдны войтырӧс.

Езекиль 33:5

Сійӧ ачыс лоӧ мыжа аслас кулӧмысь, ӧд кыліс буксан шы, но асьсӧ эз видз. А коді асьсӧ видзӧ, сійӧ ловйӧн кольӧ.

Езекиль 33:9

Тэ кӧ ӧлӧдан лёк вӧчысьӧс, медым лёк туй вывсьыс бергӧдчас, а сійӧ оз бергӧдчы, сэки сійӧ кулас аслас мыж вӧсна, а тэ мездан ассьыд олӧмтӧ.

Ап. уджъяс 20:26

Та вӧсна талун шуа тіянлы: вошас кӧ кодкӧ туй вывсьыс, ме абу мыжа,

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.