Езекиль 3:18 - Коми Библия 2023

¹⁸ Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 3:18 ပူးပေါင်းရင်းမြစ်များ

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».

Олӧм 42:22

Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Ӧксыяслӧн 4 небӧг 1:4

Господь тадзи висьталӧ ӧксыныдлы: тэ он чеччы вольпась вывсьыд, кӧні куйлан. Тэ кулан”». Илля муніс [да висьталіс тайӧс налы].

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

Езекиль 3:20

Веськыда олысь кӧ кежас веськыдлунысь да кутас вӧчны лёксӧ, сэки Ме потшӧсала сылысь туйсӧ, и сійӧ крукасяс да кулас. Тэ кӧ он ӧлӧд сійӧс, сійӧ аслас мыж вӧсна кулас, и сылысь веськыдлуна олӧмсӧ лоӧ вунӧдӧма. Сылӧн вирысь Ме водзӧс перъя тэнсьыд.

Езекиль 33:12

Морт пиӧй, висьтав аслад войтырлы: веськыда олысь кӧ вӧчас мыжсӧ, сылӧн веськыда олӧмыс оз мезды сійӧс. Лёк вӧчысь кӧ дугдас вӧчны мыжсӧ, сійӧ оз кув аслас лёк вӧчӧмысь. И веськыда олысь ловйӧн оз коль, пондас кӧ мыж вӧчны.

Езекиль 33:6

Локтысь тышкайӧзӧс аддзигӧн кӧ видзысь оз буксы буксанӧн да оз юӧрт войтырыслы вӧрӧг локтӧм йылысь, сэки вӧрӧг локтас да виас йӧзӧс. Быдӧн кулас аслас мыж вӧсна, но шыпурт улӧ веськалӧм мортлӧн вирысь Ме водзӧс перъя видзысьлысь.

Езекиль 34:10

Господь Ыджыдыс тадзи висьталӧ: Ме паныд сувта видзысьяслы, босьта ыжъясӧс налӧн киысь. Водзӧ Ме ог сет налы видзны Ассьым ыжъясӧс, и водзӧ найӧ оз нин тӧждысьны ас вӧснаныс. Ме перъя налӧн пинь-гыжйысь Ассьым ыжъясӧс, и Менам ыжъясӧй оз нин лоны налы сёянӧн.

Лыд 26:65

Ӧд Господь вӧлі шуӧма налы, мый куласны овтӧминын. Ефуннилӧн Калев пи да Навлӧн Исус пи кындзи наысь некод ловйӧн эз коль.

Лука 13:3

Эз. Шуа тіянлы: на моз ті ставныд куланныд, онӧ кӧ бергӧдчӧй мыжъяссьыныд.

Лука 13:5

Эз. Шуа тіянлы: на моз ті ставныд куланныд, онӧ кӧ бергӧдчӧй мыжъяссьыныд».

Иоан 8:21

Исус бара висьталіс йӧзыслы: «Ме регыд муна. Ті кутанныд корсьны Менӧ, но мыж пытшканыд куланныд. Кытчӧ Ме муна, сэтчӧ ті онӧ вермӧй локнысӧ».

Иоан 8:24

Ме шуи тіянлы: ті куланныд мыж пытшканыд. Онӧ кӧ эскӧй, мый Ме збыльысь Сійӧ, кодӧн шуа Ачымӧс, куланныд мыж пытшканыд».

Ап. уджъяс 2:40

Тадзи унатор на Петыр висьталіс да ышӧдӧмӧн шуаліс: «Мездысьӧй тайӧ нэмса тшыксьӧм йӧзысь, мед эз су тіянӧс мыждӧмыс».

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

1 Тимофейлы 5:22

Эн тэрмась ки пуктывны кодкӧ вылӧ, медым эн мыжмы сылӧн мыж вӧчӧм вӧсна. Видз асьтӧ сӧстӧма.

Ӧксыяслӧн 1 небӧг 8:9

Вӧч налӧн корӧм серти. Но ӧлӧд найӧс да висьтав, мый вӧчас налы ӧксы, коді кутас ыджыдавны на вылын».