Езекиль 3:15 - Коми Библия 2023

¹⁵ Ме бӧр локті пленын олысьяс дінӧ Тел-Авивӧ, Кевар ю бокӧ. Шӧйӧвошӧмаӧн ме олі на пӧвстын сизим лун чӧж.

Езекиль 3:15 ပူးပေါင်းရင်းမြစ်များ

Олӧм 50:10

Йӧрдан ю сайӧ Горен-Атадӧдз воӧм бӧрын пондісны гораа сыркъялӧмӧн бӧрдны. Сизим лун чӧж бӧрдісны Ӧсиплӧн бать вӧсна.

Иов 2:13

Сизим лун да сизим вой найӧ пукалісны Иовкӧд му вылын. Найӧ кыв эз шуны Иовлы, ӧд аддзисны, кутшӧм ёна сійӧ сьӧкыдалӧ.

Псалтыр 137:1

Давидлӧн псалом. Господьӧй, ме ошка Тэнӧ став сьӧлӧмсянь, сьылӧмӧн ошка Тэнӧ енэжвывса олысьяс водзын. [Тэ кылін став менсьым кывйӧс.]

Еремей 23:9

Пророкъяс йылысь Еремейлӧн юӧртӧм: – Сьӧлӧмӧй менам жугалӧма, став менам лыясӧй тіралӧны. Господь вӧсна, Сылӧн вежа кывъясыс вӧсна ме лои винаысь коддзӧм морт кодь.

Езекиль 1:1

Комынӧд воӧ нёльӧд тӧлысьлӧн витӧд лунӧ, кор ме вӧлі Кевар ю бокын пленӧ босьтӧмаяс пӧвстын, енэжыс воссис, и ме аддзылі Енсянь петкӧдчылӧм.

Езекиль 1:3

Калдея муын Кевар ю бокын меным, Езекиль поплы, Буз пилы, вӧлі Господьсянь кыв, и Сылӧн киыс вӧлі ме вылын.

Езекиль 10:15

Тайӧ вӧліны сійӧ жӧ ловъя олысьясыс, кодъясӧс ме аддзылі Кевар ю бокысь. Херувимъяс кыпӧдчисны.

Езекиль 3:23

Ме чеччи да петі ковтысӧ. Сэні ме аддзи Господьлысь дзирдлунсӧ, и сійӧ вӧлі дзик сэтшӧм, кутшӧмӧс ме аддзылі Кевар ю бокын. Ме кымынь уськӧдчи муас.

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.