Езекиль 3:14 - Коми Библия 2023

¹⁴ Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Езекиль 3:14 ပူးပေါင်းရင်းမြစ်များ

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 18:46

Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.

Ӧксыяслӧн 4 небӧг 2:16

шуисны сылы: «Миян пӧвстын, тэнад кесйӧгъяс пӧвстын, эм ветымын ён морт. Найӧ мед ветласны да корсясны тэнсьыд ыджыдтӧ. Гашкӧ, Господьлӧн Лолыс нуис сійӧс кытчӧкӧ да шыбитіс кутшӧмкӧ керӧс йылӧ либӧ ковтысӧ». Елисей вочавидзис: «Оз ков мунны».

Ӧксыяслӧн 4 небӧг 3:15

Сэсся Елисей тшӧктіс вайӧдны гуслиӧн ворсысьӧс. Сылӧн ворсігӧн Господьлӧн вына киыс инмӧдчис Елисей дінӧ.

Исай 8:11

Тадзи висьталіс меным Господь, коді Аслас вына киӧн кутіс менӧ да эз лэдз ветлӧдлыны тайӧ войтырыслӧн туйӧд. Сійӧ шуис:

Еремей 6:11

Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.

Езекиль 1:3

Калдея муын Кевар ю бокын меным, Езекиль поплы, Буз пилы, вӧлі Господьсянь кыв, и Сылӧн киыс вӧлі ме вылын.

Езекиль 11:1

Лов кыпӧдіс менӧ да вайӧдіс Господьлӧн крамӧ пыран асыввыв дзиръя дорӧ. Сэні сулалісны кызь вит морт. На пӧвстысь ме аддзи Азурлысь Язаний писӧ да Бенайлысь Пелатий писӧ. Найӧ вӧліны войтырлӧн юралысьяс.

Езекиль 3:12

Та бӧрын Лов кыпӧдіс менӧ. Ме кылі бӧрвылысь грымакылысь вына гӧлӧс: «Ошкӧй дзирдлуна Господьӧс Сылӧн оланінас!»

Езекиль 37:1

Господьлӧн киыс вӧлі ме вылын. Аслас Ловнас Господь нуӧдіс менӧ да сувтӧдіс ковтыс шӧрӧ. Тайӧ ковтысыс вӧлі тырӧма морт лыясӧн.

Езекиль 40:1

Миянӧс пленӧ нуӧдӧмсянь кызь витӧд вонас, во заводитчӧмсянь тӧлысьлӧн дасӧд лунӧ, дзик сійӧ лунӧ, кор Ерусалим кисьтӧмсянь коли дас нёль во, Господьлӧн киыс вӧлі ме вылын. Господь нуӧдіс менӧ

Езекиль 43:5

Лов кыпӧдіс менӧ да нуӧдіс пытшкӧс йӧрӧ. Ме аддзи, мый Господьлӧн дзирдлуныс тыртіс крамсӧ.

Езекиль 8:1

Квайтӧд вонас квайтӧд тӧлысьлӧн витӧд лунӧ ме вӧлі гортын, и меным воча пукалісны иудаса юрнуӧдысьяс. Господь Ыджыдлӧн киыс вӧлі ме вылын.

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Иоан 4:1

Фарисейяс кывлӧмаӧсь, Исуслӧн пӧ Иоан дорысь унджык нин велӧдчысьыс, Сійӧ пӧ унджык йӧзӧс пыртӧ. Дерт, Исус эз Ачыс пырт, а пыртісны Сылӧн велӧдчысьясыс. Кор Исус тӧдмаліс, мый фарисейяс кывлӧмаӧсь та йылысь,

Иоан 4:3

Сійӧ эновтіс Иудея му да бӧр муніс Галилеяӧ.

Иоан 4:9

Ань шуис Исуслы: «Ачыд Тэ иудей, а коран менсьым, самарияса аньлысь, ва юны?» Иудейяс ӧд самарияса войтыркӧд оз волысьны.

Ап. уджъяс 8:39

Ваысь петӧм бӧрын Вежа Лов лэччис евнук вылӧ. А Господьлӧн андел босьтіс Филипӧс, и евнук эз нин аддзы сійӧс. Евнук долыдпырысь водзӧ муніс аслас туйӧд.

Восьтӧм 10:10

Андел киысь ме босьті гижӧдсӧ да сёйи. Менам вомын сійӧ вӧлі юмов ма кодь. Но бӧрыннас менам гырк пытшкӧй ёна курдіс сыысь.