Езекиль 28:7 - Коми Библия 2023

⁷ Ме вайӧда тэ вылӧ йӧз муысь скӧрсьыс-скӧр войтырӧс. Найӧ перъясны шыпуртнысӧ, медым бырӧдны тэнсьыд ыджыд мывкыдлунтӧ. Найӧ няйтӧ таляласны тэнсьыд нималӧмтӧ

Езекиль 28:7 ပူးပေါင်းရင်းမြစ်များ

Езекиль 28:17

Мичлун пондаыд тэ вылӧ кыпӧдчин, нималӧм пондаыд воштін мывкыдлунтӧ. Таысь Ме шыбиті тэнӧ му вылӧ, янӧді ӧксыяс водзын.

Езекиль 30:10

Господь Ыджыдыс тадзи висьталӧ: вавилонса Навукодоносор ӧксы киӧн Ме бырӧда уна йӧза Египетӧс.

Езекиль 30:11

Ме вайӧда сійӧс да сылысь скӧрсьыс-скӧр войтырсӧ бырӧдны Египет му. Найӧ перъясны ассьыныс шыпуртнысӧ, уськӧдчасны Египет вылӧ да тыртасны Египет му виӧмаясӧн.

Езекиль 31:12

Йӧз муысь локтысьяс кералісны сійӧс, скӧрсьыс-скӧр войтыр колис сійӧс куйлыны керӧс вылӧ. Сылӧн вожъясыс усьласисны ковтысъясӧ, чегъясьӧм увъясыс – сёнъясӧ. Войтыръяс петісны сылӧн вуджӧр улысь, найӧ эновтісны сійӧс.

Езекиль 32:12

Ме бырӧда тэнсьыд уна лыда войтыртӧ вына тышкайӧзлӧн шыпуртӧн. Скӧрсьыс-скӧр войтыр пуктас пом Египетлӧн вылӧ кыпӧдчӧмлы, и египетса уна лыда войтырыс кулас.

Езекиль 7:24

Ме вайӧда лёксьыс-лёк войтыръясӧс, и найӧ босьтасны Ерусалимын олысьяслысь керкаяссӧ. Вынаяслӧн ыкшаасьӧмлы Ме пукта пом, вежаинъяснысӧ лоӧ пежалӧма.

Даниил 7:7

Нӧшта ме аддзи нёльӧд зверӧс. Сійӧ вӧлі зэв скӧр, ёна повзьӧдлана да ыджыд вынйӧра, сылӧн вӧліны ыджыд кӧрт пиньяс. Сійӧ ставсӧ косявліс-ньылаліс, а коляссӧ таляліс кокъяснас. Сійӧ торъяліс мукӧд воддза зверсьыс, сылӧн вӧлі дас сюр.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?