Езекиль 28:24 - Коми Библия 2023

²⁴ Израиль войтырлӧн оз нин лоны сійӧс мустӧмтысь орччӧн олысьясыс, кодъяс ёсь лежнӧг моз сутшкалӧны-дойдалӧны. Сэки найӧ тӧдмаласны, мый Ме – Господь Ыджыдыс.

Езекиль 28:24 ပူးပေါင်းရင်းမြစ်များ

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 55:13

Йӧн пыдди кутас быдмыны кипарис, петшӧр пыдди – мирт. Ставыс тайӧ лоӧ Господьӧс нимӧдӧм вылӧ, лоӧ нэмъяс кежлӧ индысьпасӧн.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Езекиль 2:6

Морт пиӧй, тэ эн пов наысь, эн повзьы налӧн сёрниысь, эн пов, весиг кӧ найӧ лоӧны бытшкалысь лежнӧг кодьӧс, весиг кӧ кутан овны на дінын скорпионъяс пӧвстын моз. Эн пов налӧн сёрниысь, эн повзьы наысь, ӧд найӧ асныра войтыр.

Езекиль 28:23

Ме мӧдӧда Сидонӧ пӧрӧс висьӧм, сылӧн уличьяс вылын лоӧ вир кисьтӧм. Вӧрӧг уськӧдчас быд боксянь и виалас сидонсаясӧс. Сэки найӧ тӧдмаласны, мый Ме – Господь.

Езекиль 28:26

Найӧ кутасны сэні повтӧг овны, лэптасны керкаяс да пуктасны виноград пуяс. Кутасны повтӧг овны, ӧд Ме мыжда на гӧгӧр олысь войтыръясӧс, кодъяс мустӧмтісны найӧс. Сэки найӧ тӧдмаласны, мый Ме – Господь, налӧн Ен».

Езекиль 39:28

Ме некодӧс ог коль, а ставнысӧ бӧр чукӧрта асланыс муӧ мукӧд войтыръяс пӧвстысь, кытчӧ разӧдлі найӧс. Сэки израильсаяс тӧдмаласны, мый Ме – Господь, налӧн Ен.

Микей 7:4

На пӧвстысь медбурыс лежнӧг кодь, веськыд мортыс йӧн кодь. Тэ мыждан найӧс, и найӧ шӧйӧвошасны, кор воас сійӧ луныс, мый йылысь видзысьясныд висьтавлісны.

Лыд 33:55

Сэтчӧс олысьяссӧ кӧ ті онӧ вӧтлӧй, найӧ лоӧны тіянлы синтӧ сутшкысьясӧн да боктӧ бытшкысьясӧн. Найӧ дзескӧдасны тіянӧс муын, кӧні ті кутанныд овны.

2 Коринфӧ 12:7

Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

Нав Исус 23:13

сэки тӧдӧй, мый Господь, тіян Енныд, оз кут вӧтлыны тіян водзысь тайӧ войтыръяссӧ. Найӧ лоӧны тіянлы лэчкӧн да тывйӧн, тіянлысь мышкутӧ нӧйтысь орсӧн да синманыд пырысь ёгӧн, кытчӧдз онӧ бырӧй тайӧ бур му вывсьыс, мый сетіс тіянлы Господь, тіян Енныд.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Ёрдысьяс 2:3

Та вӧсна Ме шуа, мый ог вӧтлы тіян дінысь тайӧ муас олысьясӧс [кодъясӧс Ме кӧсйи вӧтлынысӧ]. Найӧ кутасны дзескӧдны тіянӧс, а налӧн енъясыс лоӧны тіянлы налькйӧн».