Езекиль 28:23 - Коми Библия 2023

²³ Ме мӧдӧда Сидонӧ пӧрӧс висьӧм, сылӧн уличьяс вылын лоӧ вир кисьтӧм. Вӧрӧг уськӧдчас быд боксянь и виалас сидонсаясӧс. Сэки найӧ тӧдмаласны, мый Ме – Господь.

Езекиль 28:23 ပူးပေါင်းရင်းမြစ်များ

Еремей 15:2

Но найӧ кӧ юаласны тэнсьыд, кытчӧ пӧ миянлы муннысӧ, висьтав налы, мый Господь тадзи висьталӧ: – Кодлы шуӧма кувны, сійӧ мед кулас, кодлы шуӧма шыпуртысь кувны, сійӧ мед шыпуртысь кулас, кодлы шуӧма тшыгла кувны, сійӧ мед тшыгла кулас, кодлы шуӧма пленӧ мунны, сійӧ мед пленӧ мунас.

Еремей 51:52

– Но воасны лунъяс, – висьталӧ Господь, – кор Ме мыжда вавилонса идолъясӧс, и Вавилон му пасьтала кутасны ойзыны-ымзыны доймалӧмаяс.

Езекиль 21:14

А тэ, морт пиӧй, пророкав, скӧрысь вачкы ки пыдӧсад. Шыпуртыс мед кыкысь кучкас, куимысь бырснитас, мед уна йӧзӧс виас, быд боксянь найӧс кытшалас.

Езекиль 21:16

Шыпурт, бырскы веськыдвывсянь, виав шуйгавывсянь – быдласянь, кытчӧ тэнӧ веськӧдӧма.

Езекиль 25:11

Кор Ме мыжда моав войтырӧс, найӧ тӧдмаласны, мый Ме – Господь».

Езекиль 25:17

Ме чорыда водзӧс перъя налысь, скӧрпырысь мыжда найӧс. И кор Ме вӧча тадзи, найӧ тӧдмаласны, мый Ме – Господь».

Езекиль 25:7

Та вӧсна Ме лэпта киӧс тіян вылӧ, сета тіянӧс войтыръяс киӧ, и ті лоанныд налы тышын шедӧдӧмторйӧн. Ме бырӧда тіянӧс войтыръяс пӧвстысь, вушта тіянлысь мунытӧ муяс лыдысь – дзикӧдз бырӧда тіянӧс. Сэки ті тӧдмаланныд, мый Ме – Господь.

Езекиль 26:6

и Тирсянь саридз бокӧ паськӧдчӧм сиктъясын олысьяс шыпурт помысь куласны. Сэки Тирын олысьяс тӧдмаласны, мый Ме – Господь.

Езекиль 30:4

Вӧрӧг уськӧдчас Египет вылӧ, виалас шыпуртӧн египетсаясӧс, босьтас Египетлысь озырлунсӧ да подулӧдзыс кисьтас-бырӧдас сійӧс. Сэки Эфиопияӧс полӧм босьтас.

Езекиль 32:30

Сэні куйлӧны войвывса юралысьяс да сидонсаяс, кодъяс лэччисны виӧмаяс пӧвстӧ. Коркӧ вӧліны повзьӧдана ёнӧсь, а ӧні янӧдӧма тайӧ вундыштчытӧм йӧзсӧ, кодъяс куйлӧны шыпуртӧн виӧмаяс пӧвстын, налы яндзим, ӧд куйлӧны кулӧмаяскӧд му пыдӧсас.

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».