Езекиль 27:32 - Коми Библия 2023

³² Тэ вӧсна ойзӧны-бӧрдӧны, тэ йылысь сьылӧны татшӧм бӧрдӧдчанкыв: – Некутшӧм кар он ӧткодяв Тиркӧд, кодӧс бырӧдӧма саридз шӧрын.

Езекиль 27:32 ပူးပေါင်းရင်းမြစ်များ

Бӧрданкыв 1:12

Туй вывті ветлысь-мунысьяс, тіянкӧд тадзи мед оз ло! Видзӧдлӧй, эм-ӧ менам кодь дойыс, кутшӧм менӧ суис! Господь ыстіс меным сійӧс Аслас скӧралан лунӧ.

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Езекиль 26:17

Тэ йылысь кутасны сьывны татшӧм бӧрдӧдчанкыв: Саридз вывті ветлысьяслӧн кар, тэнӧ бырӧдӧма. Тэ вӧлін нималана кар, саридз вывті ветлӧмсӧ аслад киын кутін, тэнад олысьясысь быдлаын полісны.

Езекиль 27:2

«Морт пиӧй, сьыв Тир йылысь бӧрдӧдчанкыв.

Езекиль 27:26

Тэнад сынысьясыд петкӧдісны тэнӧ восьса саридзӧ, но сэні кыпӧдчис асыв тӧв да жугӧдіс тэнӧ.

Езекиль 28:12

«Морт пиӧй, бӧрд тирса ӧксы вӧсна. Шу сылы, мый Господь Ыджыдыс тадзи висьталӧ: тэ вӧлін тыр-бур, зэв мывкыд да вывті мича.

Восьтӧм 18:18

Найӧ видзӧдісны сотчысь карлӧн тшыныс вылӧ да горзісны: «Позяс ӧмӧй ӧткодявны тайӧ ыджыд карсӧ кутшӧмкӧ мӧд каркӧд?»