Езекиль 27:31 - Коми Библия 2023

³¹ Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.

Езекиль 27:31 ပူးပေါင်းရင်းမြစ်များ

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Исай 16:9

Та вӧсна Язеркӧд ӧтвыв ме бӧрда сивмаса виноград вӧсна. Кисьта синваӧс тіян вӧсна, Хешбон да Эляле, ӧд вотӧс чукӧртан кадӧ да вундан кадӧ оз пет тіянсянь нимкодясьӧм шы.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Исай 22:4

Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.

Исай 3:24

Сион, тэнад айуловыд куласны шыпуртысь, тэнад тышкайӧзыд усясны тышын.

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Еремей 47:5

Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Езекиль 29:18

«Морт пиӧй, Тиркӧд тышкасигӧн вавилонса Навукодоносор ӧксы ёна уджӧдіс ассьыс тышкайӧзсӧ. Тышкайӧзлӧн юрсиныс гылалӧма, налысь пельпомнысӧ зыртӧма. Навукодоносорлы да сылӧн тышкайӧзыслы эз вичмы некутшӧм удждон Тиркӧд тышкасьӧмысь.

Езекиль 7:18

Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Левит 21:5

Поп мед юрсисӧ оз шыр, тошсӧ оз тшӧтшӧд, вир-яйсӧ оз вундав.

Амос 8:10

Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Иона 3:6

Кор ниневияса ӧксы кыліс та йылысь, сійӧ чеччис юралан пуклӧсысь, пӧрччис ӧксы паськӧмсӧ, пасьталіс шогалан паськӧм да пуксис пӧим пытшкӧ.

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.

Микей 1:8

– Та вӧсна ме кута ырзӧмӧн бӧрдны, кута ветлыны кӧмтӧг-пасьтӧг, шакал моз понда омлявны, страус моз – ымзыны.

Индӧд 14:1

«Ті – Господь Енлӧн ныв-пиыс. Кулӧм морт вӧсна шогсигӧн энӧ вундалӧй вир-яйнытӧ да энӧ шырӧй плеш водзсьыд юрсинытӧ.