Езекиль 27:26 - Коми Библия 2023

²⁶ Тэнад сынысьясыд петкӧдісны тэнӧ восьса саридзӧ, но сэні кыпӧдчис асыв тӧв да жугӧдіс тэнӧ.

Езекиль 27:26 ပူးပေါင်းရင်းမြစ်များ

Псалтыр 48:7

Найӧ лача кутӧны асланыс эмлуныс вылӧ, ошйысьӧны асланыс ыджыд озырлунӧн.

Псалтыр 48:8

Мортыс нинӧм вылӧ оз вермы ньӧбны ассьыс воксӧ, нинӧмӧн оз вермы вештысьны Енмыслы сылӧн олӧмысь.

Исай 23:14

Ырзӧмӧн бӧрдӧй, фарсисса корабльяс! Тіянлысь изкарнытӧ жугӧдӧма.

Исай 33:23

Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс.

Еремей 18:17

Асыввывсянь пӧльтысь тӧв моз Ме нӧбӧда Ассьым войтырӧс вӧрӧг водзын. Войтырлӧн сьӧкыд кадӧ Ме бергӧда налань мышкӧс, а ог чужӧмӧс.

Езекиль 26:19

Господь Ыджыдыс тадзи висьталӧ: Ме кушта тэнӧ, вӧча тэнӧ овтӧм карӧн. Пыдӧстӧм йирлысь васӧ Ме вая тэ вылӧ, ыджыд ва вевттяс тэнӧ.

Езекиль 27:27

Озырлуныд да вузӧсыд, тэнад кывтысьясыд, сынысьясыд да бӧжалысьясыд, тэнсьыд письтӧминъястӧ дзоньталысьясыд, вузасьысьясыд да тышкайӧзыд – ставӧн, коді ветліс корабль вылын, саридз пыдӧсӧ вӧйисны сійӧ лунӧ, кор тэ усин.

Езекиль 27:34

Но саридзлӧн ыджыд гыыс жугӧдіс тэнӧ, нуис став йӧзтӧ да вузӧстӧ ва пыдӧсӧ.

Езекиль 28:8

да шыбитасны тэнӧ пыдӧстӧминӧ, и тэ кулан шыпурт помысь саридз шӧрын.

Ап. уджъяс 27:14

Регыд мысти асыв-войвывсянь кыпӧдчис ыджыд тӧвныр, сійӧ пӧльтіс ді вывсянь.

Ап. уджъяс 27:41

Сэсся веськалім ляпкыдінӧ да корабльным сибдіс. Нырнас сатшис да некодарӧ эз вӧр, а бӧжыс гыяслӧн лёкысь швачкӧдӧмысь пондіс чуктавны-жугласьны.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.