Езекиль 26:8 - Коми Библия 2023

⁸ Саридз бокын сулалысь сиктъясын олысьясӧс сійӧ шыпуртӧн виас. Тэ гӧгӧр тымӧд лэптас да водзсасян сайӧдъяс сувтӧдас.

Езекиль 26:8 ပူးပေါင်းရင်းမြစ်များ

Ӧксыяслӧн 2 небӧг 20:15

Йоав аслас тышкайӧзкӧд локтіс сэтчӧ да кытшаліс карсӧ. Карса стен гӧгӧр лэптісны тымӧд, медым сибавны стен дорӧ. Йоав аслас йӧзкӧд пондісны жуглыны стенсӧ.

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Езекиль 21:22

Тунасигас сылӧн веськыд киас усьӧ пудъясянтор, мый петкӧдлӧ Ерусалим вылӧ. Сійӧ сувтӧдас жуглан керъяс да лэптас тымӧдъяс, медым кисьтны карса стен да дзиръяяс. Сійӧ тшӧктас аслас тышкайӧзлы гораа горзӧмӧн уськӧдчыны кар вылӧ.

Езекиль 26:6

и Тирсянь саридз бокӧ паськӧдчӧм сиктъясын олысьяс шыпурт помысь куласны. Сэки Тирын олысьяс тӧдмаласны, мый Ме – Господь.

Езекиль 26:9

Стентӧ керъясӧн зурйӧдлас-жуглас, башняястӧ кералас-пасьвартас.

Аввакум 1:10

Тайӧ войтырыс ӧксыясӧс серамтуйӧ пуктӧ, юралысьясӧс омӧльтӧ, изкаръяс вылын тешитчӧ: лэптӧ на гӧгӧр тымӧд да босьтӧ найӧс.

Лука 19:43

Воас лун, кор тэнад вӧрӧгъяс лэптасны тэ гӧгӧр тымӧд, кытшаласны тэнӧ да быд боксянь дзескӧдасны.