Езекиль 26:15 - Коми Библия 2023

¹⁵ Господь Ыджыдыс тадзи висьталӧ Тир карлы: вӧрӧг пондас виавны-бырӧдны тэнсьыд олысьястӧ, и доймалӧм йӧзыд пондасны ойзыны-ымзыны. Тэнад грымгысьӧм-усьӧмысь саридздорса муыс пондас дзӧрны-тіравны.

Езекиль 26:15 ပူးပေါင်းရင်းမြစ်များ

Исай 2:19

Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас!

Исай 41:5

Саридз дорын олысьяс аддзисны, мый Ме вӧчи, найӧ повзисны, мулӧн быд пельӧс пондіс тіравны. Найӧ матыстчисны ӧта-мӧд дінас да ӧтвывтчисны.

Еремей 49:21

Эдомӧс лоӧ путкыльтӧма, сылӧн усьӧмысь муыс сыркмунлас, Гӧрд саридзӧдз воас эдомсаяслӧн горзӧм шыныс.

Езекиль 26:10

Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 26:18

Тэнад усьӧмысь дзӧрӧны саридз дорын олысьяс, тэнӧ бырӧдӧмысь повзисны діяс вылын олысьяс.

Езекиль 26:21

Ме вӧча тэнӧ повзьӧдчанторйӧн, тэ пыр кежлӧ быран. Тэнӧ пондасны корсьны, но некор оз аддзыны, – висьталӧ Господь Ыджыдыс».

Езекиль 27:28

Сынысь-бӧжалысьясыд горзӧны, налӧн горзӧмысь саридздорса муяс дзӧрӧны-тіралӧны.

Езекиль 27:35

Тэ йылысь кылігӧн саридз дорын олысьяс весьӧпӧрисны, налысь ӧксыяссӧ тіралӧм босьтіс, чужӧмныс вежсис.

Езекиль 31:16

Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Езекиль 32:10

Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.