Езекиль 26:13 - Коми Библия 2023

¹³ Ме пукта пом сьыланкывъяс юргӧмлы, гуслияслӧн шы оз нин кут кывны.

Езекиль 26:13 ပူးပေါင်းရင်းမြစ်များ

Псалтыр 137:2

Ме копыртча Тэнад вежа крамлань да ошка Тэнсьыд нимтӧ Тэнад буралӧмысь да збыльысь. Ассьыд нимтӧ да кывтӧ Тэ кыпӧдін ставсьыс вылӧ.

Исай 14:11

Пыдӧстӧминӧ шыбитӧма тэнсьыд нималӧмтӧ да арфаӧн гажӧдчан ворсӧмтӧ. Тэнад вольпасьыд вегыльясысь, эшкыныд номыръясысь.

Исай 22:2

Тэ ёна шызьӧмыд, ызгысь-гажӧдчысь кар. Тэнад тышкайӧзыд эз шыпурт помысь кувны, эз тышын усьны.

Исай 23:12

Сійӧ шуис: – Сидонын олысьяс, ті, яналӧм войтыр, водзӧ онӧ нин кутӧй нимкодясьны. Чеччӧй да мунӧй Киттимӧ, но весиг сэні тіянлы шойччӧгыс оз ло!

Исай 23:16

– Босьт ассьыд гуслитӧ, ветлӧдлы карса туйясӧд, эновтӧм кырсалысь ань! Ворс мичаа, сьыв уна сьыланкыв, гашкӧ, тэнӧ и казьтыштасны!

Исай 23:7

Мый лои тіян гажӧдчысь карныдкӧд, кодӧс вӧлі сувтӧдӧма важысянь нин, коді вӧлі ылӧдз нюжалӧма саридз пӧлӧн?

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Еремей 16:9

Господь Саваоф, Израильлӧн Ен, тадзи висьталӧ: тіян олігӧн на, тіян син водзын, тайӧ муас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Осий 2:11

Ме пукта пом сылӧн нимкодясьӧмлы, гажӧдчан да шойччан лунъяслы, выль тӧлысь пасйӧмлы.