Езекиль 26:10 - Коми Библия 2023

¹⁰ Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 26:10 ပူးပေါင်းရင်းမြစ်များ

Еремей 39:3

Вавилонса ӧксылӧн киподувса юралысьяс пырисны Ерусалимӧ да карса шӧр дзиръясянь пондісны юравны. Тайӧ вӧліны: Сим-Магирысь Нергал-Шар-Эцер, ыджыд чина йӧзӧн веськӧдлысь Неву-Сар-Секим, тышкайӧзӧн веськӧдлысь Нергал-Шар-Эцер да вавилонса ӧксылӧн киподувса мукӧд юралысьяс.

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Еремей 47:3

Вӧвъяслӧн рӧдтӧм шыысь, тарантасъяслӧн гольгӧмысь, гӧгыльяслӧн гора шыысь батьяс весьӧпӧрасны, найӧ дугдасны тӧждысьны асланыс челядь вӧсна.

Езекиль 23:24

Найӧ локтасны тарантасъясӧн да уна тышкайӧзӧн, уськӧдчасны тэ вылӧ шыпуртъясӧн. Юрнысӧ тупкӧмӧн, ыджыд да ичӧт сайӧдъяс босьтӧмӧн тышкайӧзыс кытшаласны тэнӧ быд боксянь. Ме сета налы мыждыны тэнӧ, и найӧ мыждасны тэнӧ асланыс индӧдъяс серти.

Езекиль 26:15

Господь Ыджыдыс тадзи висьталӧ Тир карлы: вӧрӧг пондас виавны-бырӧдны тэнсьыд олысьястӧ, и доймалӧм йӧзыд пондасны ойзыны-ымзыны. Тэнад грымгысьӧм-усьӧмысь саридздорса муыс пондас дзӧрны-тіравны.

Езекиль 26:7

Господь Ыджыдыс тадзи висьталӧ: Ме вайӧда Тир вылӧ вавилонса Навукодоносор ӧксыӧс, ӧксыяслысь ӧксыӧс. Сійӧ локтас войвывсянь вӧвъясӧн, тарантасъясӧн да верзьӧмаясӧн – ыджыдсьыс-ыджыд тышкайӧзӧн.

Езекиль 26:9

Стентӧ керъясӧн зурйӧдлас-жуглас, башняястӧ кералас-пасьвартас.

Езекиль 27:28

Сынысь-бӧжалысьясыд горзӧны, налӧн горзӧмысь саридздорса муяс дзӧрӧны-тіралӧны.

Нав Исус 6:20

Найӧ дзикӧдз бырӧдісны карсьыс став айуловсӧ и аньсӧ, томӧс и пӧрысьӧс. Бырӧдісны тшӧтш налысь ыж-мӧссӧ да осёлъяссӧ. Найӧс ставнысӧ виалісны шыпуртӧн.

Нав Исус 6:5

Навлӧн Исус пиыс корис [израильса] попъясӧс да шуис налы: «Босьтӧй да нуӧй Йитӧд кудсӧ. Сизим поп мед мунасны буксанъясӧн Господьлӧн куд водзвылас».