Езекиль 25:7 - Коми Библия 2023

⁷ Та вӧсна Ме лэпта киӧс тіян вылӧ, сета тіянӧс войтыръяс киӧ, и ті лоанныд налы тышын шедӧдӧмторйӧн. Ме бырӧда тіянӧс войтыръяс пӧвстысь, вушта тіянлысь мунытӧ муяс лыдысь – дзикӧдз бырӧда тіянӧс. Сэки ті тӧдмаланныд, мый Ме – Господь.

Езекиль 25:7 ပူးပေါင်းရင်းမြစ်များ

Исай 33:4

Сійӧ, мый найӧ мырддялісны тыш дырйи, налысь йирасны лёльӧ моз, сы вылӧ уськӧдчасны саранча моз.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Езекиль 14:9

Но пророк кӧ ылалас да вочавидзас, сідзкӧ, Ме, Господь, лэдзи сылы ылавны. Ме лэпта киӧс сы вылӧ да бырӧда сійӧс Аслам Израиль войтыр пӧвстысь.

Езекиль 21:31

Ме кисьта тэ вылӧ Ассьым скӧрлунӧс, пӧльышта тэ вылӧ Ассьым ярлуна биӧс. Ме сета тэнӧ чорыд йӧзлы, скӧр виысьяслӧн киӧ.

Езекиль 21:32

Тэнӧ ньылыштас би, вирыд брызьмунас му вылӧ, и тэнӧ вунӧдасны. Тайӧс висьталі Ме, Господь».

Езекиль 25:10

Ме сета моавсаясӧс асыввывса войтыръяслӧн киӧ аммонсаясӧс моз, кодъясӧс шуӧма вунӧдны войтыръяс пӧвстын.

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Езекиль 25:16

Та вӧсна Господь Ыджыдыс тадзи висьталӧ: Ме лэпта киӧс филистимсаяс вылӧ, бырӧда керетса войтырӧс да саридз дорын олысьясӧс.

Езекиль 26:5

саридз шӧрын. Сэні чери кыйысьяс пондасны тӧлӧдны тывъяснысӧ. Тайӧс шуи Ме, – висьталӧ Господь Ыджыдыс. – Войтыръяс куштасны Тир карӧс,

Езекиль 35:3

Шу сылы, мый Господь Ыджыдыс тадзи висьталӧ: Ме паныд сувта тэныд, Сеир керӧсвыв му. Лэпта Ассьым киӧс тэ вылӧ да вӧча тэнӧ овтӧминӧн.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Софоний 1:4

Ме лэпта Ассьым киӧс Иуда вылӧ, Ерусалимын олысьяс вылӧ, бырӧда тайӧ карсьыс ставсӧ, мый казьтывлӧ Ваал идол йылысь, бырӧда тшыкӧдчысьяслысь нимсӧ, ылӧг енъяслы юрбитысь попъяслысь нимсӧ,