Езекиль 25:16 - Коми Библия 2023

¹⁶ Та вӧсна Господь Ыджыдыс тадзи висьталӧ: Ме лэпта киӧс филистимсаяс вылӧ, бырӧда керетса войтырӧс да саридз дорын олысьясӧс.

Езекиль 25:16 ပူးပေါင်းရင်းမြစ်များ

Ӧксыяслӧн 2 небӧг 15:18

Ӧксы водзвывті восьлалӧмӧн мунісны сылӧн кесйӧгъясыс, тшӧтш керетсаяс да пелетсаяс да нӧшта квайтсё морт, кодъяс коркӧ локтісны сыкӧд Гефысь.

Еремей 25:20

юктӧді сорласьӧм войтыръясӧс, Уц да Филистим муясысь ӧксыясӧс, филистимса Аскалон, Газа да Экрон каръясын олысьясӧс, тшӧтш Азот карын ловйӧн кольӧмаясӧс.

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Езекиль 25:7

Та вӧсна Ме лэпта киӧс тіян вылӧ, сета тіянӧс войтыръяс киӧ, и ті лоанныд налы тышын шедӧдӧмторйӧн. Ме бырӧда тіянӧс войтыръяс пӧвстысь, вушта тіянлысь мунытӧ муяс лыдысь – дзикӧдз бырӧда тіянӧс. Сэки ті тӧдмаланныд, мый Ме – Господь.

Амос 1:8

Бырӧда Азотын юралысьӧс, Аскалонын юралан бедьсӧ кутысьӧс. Экрон вылӧ киӧс лэпта, и филистимсалӧн колясыс бырас, – висьталӧ Господь Ыджыдыс.

Ӧксыяслӧн 1 небӧг 30:14

Ми уськӧдчылім керетсаяслӧн, Иуда войтырлӧн да Калев рӧдлӧн Негев му вылӧ, а Сиклаг кар ми сотім биӧн».