Езекиль 25:10 - Коми Библия 2023

¹⁰ Ме сета моавсаясӧс асыввывса войтыръяслӧн киӧ аммонсаясӧс моз, кодъясӧс шуӧма вунӧдны войтыръяс пӧвстын.

Езекиль 25:10 ပူးပေါင်းရင်းမြစ်များ

Исай 23:16

– Босьт ассьыд гуслитӧ, ветлӧдлы карса туйясӧд, эновтӧм кырсалысь ань! Ворс мичаа, сьыв уна сьыланкыв, гашкӧ, тэнӧ и казьтыштасны!

Езекиль 21:32

Тэнӧ ньылыштас би, вирыд брызьмунас му вылӧ, и тэнӧ вунӧдасны. Тайӧс висьталі Ме, Господь».

Езекиль 25:11

Кор Ме мыжда моав войтырӧс, найӧ тӧдмаласны, мый Ме – Господь».

Езекиль 25:4

Таысь Ме сета тіянӧс асыввывса войтырлӧн киӧ. Тіян муӧ найӧ зэвтасны чомъяснысӧ, овмӧдчасны тіян пӧвстӧ, пондасны сёйны мувыв быдтаснытӧ да юны йӧвнытӧ.

Езекиль 25:7

Та вӧсна Ме лэпта киӧс тіян вылӧ, сета тіянӧс войтыръяс киӧ, и ті лоанныд налы тышын шедӧдӧмторйӧн. Ме бырӧда тіянӧс войтыръяс пӧвстысь, вушта тіянлысь мунытӧ муяс лыдысь – дзикӧдз бырӧда тіянӧс. Сэки ті тӧдмаланныд, мый Ме – Господь.