Езекиль 24:11 - Коми Библия 2023

¹¹ Куш пӧртсӧ пукты ӧгыр вылас, медым ыргӧныс доналас, медым сотчас-сылас сэтысь став пежыс, став пурзьӧм няйтыс.

Езекиль 24:11 ပူးပေါင်းရင်းမြစ်များ

Исай 1:25

Ассьым киӧс Ме лэпта тэ вылӧ, сывда-весала тэнӧ, торйӧда тэысь став сорассӧ.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 37:10

Ті кӧ весиг пасьвартінныд калдеяса став тышкайӧзсӧ, кодъяс тышкасьӧны тіянлы паныд, и налӧн ловйӧн колины сӧмын доймӧмаяс, найӧ эськӧ чеччисны, петісны асланыс чомъясысь да тайӧ карсӧ сотісны биӧн».

Еремей 38:18

А он кӧ сетчы вавилонса ӧксылӧн киподувса юралысьяслы, сэки тайӧ карсӧ лоӧ сетӧма калдеяса тышкайӧзлӧн киӧ. Найӧ сотасны тайӧ карсӧ биӧн, и тэ он мездмы налӧн киысь”».

Еремей 39:8

Ӧксылысь керкасӧ да войтырыслысь керкаяссӧ калдеяса тышкайӧз сотісны биӧн, Ерусалим карлысь стенъяссӧ жугӧдісны.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Езекиль 20:38

Тіян пӧвстысь торйӧда Меным паныд кыпӧдчысьясӧс да Менсьым кывзысьтӧмъясӧс. Ме петкӧда найӧс муысь, кӧні найӧ олӧны локтысьяс моз, но Израиль муӧ найӧ оз пырны. Сэки ті тӧдмаланныд, мый Ме – Господь.

Езекиль 24:10

Содты пессӧ, ёнджыка ӧзты бипурсӧ, пу яйсӧ лысьыс торъявтӧдз. Ваыс мед бырас, лыыс мед сотчас.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».