Езекиль 23:41 - Коми Библия 2023

⁴¹ Ті нюжӧдчывлінныд дона куйланінъяс вылӧ. Тіян водзӧ вӧлі лӧсьӧдӧма пызан, и сэтчӧ ті пуктывлінныд Менсьым тшынӧдчанторйӧс да олив выйӧс.

Езекиль 23:41 ပူးပေါင်းရင်းမြစ်များ

Эсфир 1:6

Мрамор сюръяяс бердӧ эзысь кольчаясӧ вӧлі ӧшӧдӧма еджыд дӧраяс да гӧрдовлӧз вурун дӧраяс, медым тупкысьны шондіысь. Найӧс вӧлі зэвтӧма вӧсни шабді да пемыдгӧрд вурун кӧвъясӧн.

Исай 57:7

Джуджыд да ыджыд керӧс вылын тэ дасьтылін аслыд куйланін, тэ кайлін сэтчӧ вись вайны.

Исай 65:11

А тіянӧс, кодъяс эновтінныд Менӧ, Господьӧс, вунӧдінныд Менсьым вежа керӧсӧс, кодъяс дасьтанныд пызан Гад идоллы, тыртанныд вина чаша Мени идоллы,

Еремей 44:17

Ми водзӧ кутам вӧчны ставсӧ, мый кӧсйысим енэжвывса ӧксы-аньлы. Ми кутам тшынӧдчыны да вайны сылы вина вись, кыдзи ми, миян батьясным, ӧксыясным да юралысьясным вӧчлім иудаса каръясын да ерусалимса уличьяс вылын. Сэки ми пӧттӧдз сёйим-юим, бура олім да шогсӧ эгӧ тӧдлӧй.

Езекиль 41:22

Пуысь вӧчӧм висьпуктаніныс вӧлі куим гырддза судта, кык гырддза кузьта да кык гырддза пасьта. Сылысь пельӧс сюръяссӧ, подувсӧ да стенъяссӧ вӧлі вӧчӧма пуысь. Висьпуктанін йылысь морт шуис меным: «Тайӧ пызаныс сулалӧ Господьлӧн чужӧмбан водзын».

Езекиль 44:16

Найӧ пондасны пырны Менам Вежаинӧ да матыстчыны Менам пызан дорӧ, медым кесъявны Меным.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Амос 2:8

Уджйӧзӧн сетӧмысь коньӧръяслысь босьтӧны паськӧм, сы вылын куйлӧны быд висьпуктанін дорын, юрбитанінын юӧны мыжалӧм йӧзлысь перйӧм винасӧ.

Амос 6:4

Ті куйланныд слӧн лыысь вӧчӧм узьланін вылын, жуйвидзанныд юрлӧсъяс вылын пукалӧмӧн. Ті босьтанныд ыж чукӧрысь баляясӧс, йирсянінысь куканьясӧс, и сёянныд найӧс.

Малакий 1:7

Ті ваянныд Менам висьпуктанін вылӧ пеж нянь. Ті юаланныд: «Мыйӧн ми увтыртам Тэнӧ?» Ті нинӧмӧ пуктанныд Господьлысь висьпуктанінсӧ.

Ӧксыяслӧн 1 небӧг 28:23

Но Саул пыксис, шуис, ог пӧ кут сёйны. Но кесйӧгъясыслӧн да аньлӧн ёна корӧм бӧрын Саул кӧсйысис сёйны, чеччис му вывсьыс да пуксис вольпась вылӧ.