Езекиль 23:4 - Коми Библия 2023

⁴ Ыджыд чойсӧ шуисны Огола, а мӧдсӧ – Оголива. Оголаыс – Самария, а Оголиваыс – Ерусалим. Кыкнанныс найӧ вӧліны Менам, и чужтісны ныв-пиӧс.

Езекиль 23:4 ပူးပေါင်းရင်းမြစ်များ

Ӧксыяслӧн 3 небӧг 12:20

Израиль войтыр тӧдмаліс, мый Еровам бӧр локтӧма [Египетысь]. Сэки найӧ чукӧртчисны, корисны Еровамӧс да пуктісны сійӧс ӧксыӧ Израильлы. Сӧмын Иуда [да Венямин] чужанкотыр кольччис Давид рӧдкӧд.

Ӧксыяслӧн 3 небӧг 8:29

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Псалтыр 76:2

Ме гораа шыася Ен дінӧ, ме шыася Ен дінӧ, и Сійӧ кылас менӧ.

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 3:7

Ме чайті, мый тадзи вӧчӧм бӧрас сійӧ бергӧдчас Ме дінӧ, но сійӧ эз бергӧдчы. Ставсӧ тайӧс аддзыліс Иуда войтыр, сылӧн ылӧдчысь чойыс.

Езекиль 16:20

Тэ босьтін пиянтӧ да нывъястӧ, кодъясӧс чужтін Меным, да вайин найӧс вись пыдди идолъяслы сёйны. Тайӧ уджъясыд вӧліны кырсалӧм кодь жӧ, и тайӧ этша на вӧлі тэныд.

Езекиль 16:40

Найӧ кыпӧдасны тэныд паныд йӧзӧс, кодъяс изъяласны да кераласны тэнӧ шыпуртӧн.

Езекиль 16:46

Ыджыд чойыд – Самария, коді олӧ аслас нывъясыскӧд тэсянь войвылын. А ичӧтджык чойыд – Содом, коді олӧ аслас нывъясыскӧд тэсянь лунвылын.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 23:36

Господь шуис меным: «Морт пиӧй, мыжды Оголаӧс да Оголиваӧс! Уськӧд налы тӧд выланыс зывӧк уджъяснысӧ.

Езекиль 23:44

Асьсӧ вузалысь ань дінӧ моз айулов волывлісны лэдзчысьӧмӧн олысь Огола да Оголива дінӧ.

Езекиль 23:5

Огола вӧлі Менам, но кырсаліс. Сылӧн лёкколӧмыс ӧзъяліс мусукъяс дінас, орччӧн олысь ассурсаяс дінӧ.

Осий 1:3

Осий муніс да босьтіс гӧтырӧ Дивлаимлысь Гомера нывсӧ. Гомера пондіс нӧбасьны да чужтіс Осийлы пиӧс.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Иоан 4:22

Ті, самарияса войтыр, копрасянныд Сылы, кодӧс онӧ тӧдӧй. А ми копрасям Сылы, кодӧс тӧдам, ӧд мездмӧмыс воӧ иудейяссянь.

Римӧ 7:4

Тадзи тшӧтш ті, вокъясӧй, Кристос вир-яйӧ йитчӧмнаныд кулінныд Индӧдыслы да лоинныд Мӧдыслӧн, кулӧмысь Ловзьысьыслӧн, медым вайны Енлы вотӧс.