Езекиль 23:3 - Коми Библия 2023

³ Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 23:3 ပူးပေါင်းရင်းမြစ်များ

Еремей 3:9

Яндысьтӧм кырсалӧмнас Иуда пежаліс мусӧ. Изъяслы да пуяслы юрбитӧмнас сійӧ пежаліс йитӧдӧс, мый Ме кӧрталі сыкӧд.

Езекиль 16:15

Но тэ лача кутін аслад мичлуныд вылӧ, нималігад тэ пондін кырсавны. Киысь киӧ ветлін да сетчин тэ дінті ветлысь-мунысьяслы.

Езекиль 16:22

Зывӧк уджъяс вӧчигад да кырсалігад тэныд юрад эз волы сійӧ кадыс, кор тэ вӧлін пасьтӧм, куйлін вирӧсь да чужъясин.

Езекиль 20:7

Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 23:19

Но сійӧ ёнджыка на кырсаліс. Сылы тӧд вылас уси том кадыс, кор сійӧ кырсавліс Египет муын.

Езекиль 23:21

Тэ, Оголива, бӧр кӧсйин бергӧдчыны аслад томдырся лэдзчысьӧм олӧмад, кор египетсаяс тэнсьыд нёньястӧ шамралісны, нывдырся морӧстӧ чабралісны.

Езекиль 23:34

Тэ чашасӧ кушӧдз юан, торпыригӧдз жуглан, та бӧрын войтъяссӧ сэтысь нюлан, ассьыд морӧстӧ чашъян. Тайӧс шуи Ме, – висьталӧ Господь Ыджыдыс.

Езекиль 23:4

Ыджыд чойсӧ шуисны Огола, а мӧдсӧ – Оголива. Оголаыс – Самария, а Оголиваыс – Ерусалим. Кыкнанныс найӧ вӧліны Менам, и чужтісны ныв-пиӧс.

Езекиль 23:43

Кырсалӧм вӧсна бонзьӧм-ропмунӧм аньяс йылысь Ме шуи: татшӧм аньяскӧд найӧ век на кырсалӧны.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Осий 1:2

Кор Господь кутіс сёрнитны Осий пыр, Сійӧ шуис Осийлы: «Мун да босьт аслыд гӧтырӧ кырсалысь аньӧс. Босьт ас дінад тшӧтш сылысь чурка ныв-писӧ. Израиль му кырсалысь ань кодь, ӧд израильсаяс эновтісны Господьӧс, юрбитӧны мукӧд енъяслы».

Осий 2:15

Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Индӧд 29:16

Ті тӧданныд, мый ми олім Египетын да мунім войтыръяслӧн муясӧд.

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.