Езекиль 23:24 - Коми Библия 2023

²⁴ Найӧ локтасны тарантасъясӧн да уна тышкайӧзӧн, уськӧдчасны тэ вылӧ шыпуртъясӧн. Юрнысӧ тупкӧмӧн, ыджыд да ичӧт сайӧдъяс босьтӧмӧн тышкайӧзыс кытшаласны тэнӧ быд боксянь. Ме сета налы мыждыны тэнӧ, и найӧ мыждасны тэнӧ асланыс индӧдъяс серти.

Езекиль 23:24 ပူးပေါင်းရင်းမြစ်များ

Ӧксыяслӧн 2 небӧг 24:14

Давид шуис Гад пророклы: «Ыджыд шог суис менӧ. Но морт киӧ веськалӧм дорысь бурджык шедны Господьлӧн мыждӧм улӧ, ӧд Сылӧн буралӧмыс ыджыд». [Давид бӧрйис кулана висьӧм шобді вундан кадӧ.]

Еремей 47:3

Вӧвъяслӧн рӧдтӧм шыысь, тарантасъяслӧн гольгӧмысь, гӧгыльяслӧн гора шыысь батьяс весьӧпӧрасны, найӧ дугдасны тӧждысьны асланыс челядь вӧсна.

Еремей 52:11

Вавилонса ӧксы бытшкис Седекейлысь кыкнан синсӧ да дорис сійӧс ыргӧн чепъясӧн. Сэсся нуӧдіс сійӧс Вавилонӧ да йӧршитіс дзескыдінӧ. Сэні Седекей пукаліс кувтӧдзыс.

Еремей 52:9

Седекей ӧксыӧс кутісны да вайӧдісны вавилонса ӧксы дінӧ Ривлаӧ, Хамат муӧ. Сэні вавилонса ӧксы мыждіс Седекейӧс.

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Езекиль 21:23

Ерусалимын олысьяс нинӧмӧ пуктӧны тайӧ тунасьӧмсӧ. Но вавилонса ӧксылы тӧд вылас усяс, мый Ерусалимын олысьяс торкисны кыв сетӧмнысӧ, и сійӧ босьтас найӧс пленӧ.

Езекиль 23:45

Но веськыда олысь айулов мыждасны найӧс гозъякост олӧм пежалӧмысь да вир кисьтӧмысь, ӧд найӧ пежалісны йитӧдӧс, мый Ме кӧрталі накӧд, и налӧн киныс вирӧсь.

Езекиль 26:10

Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 26:7

Господь Ыджыдыс тадзи висьталӧ: Ме вайӧда Тир вылӧ вавилонса Навукодоносор ӧксыӧс, ӧксыяслысь ӧксыӧс. Сійӧ локтас войвывсянь вӧвъясӧн, тарантасъясӧн да верзьӧмаясӧн – ыджыдсьыс-ыджыд тышкайӧзӧн.