Езекиль 23:18 - Коми Библия 2023

¹⁸ Оголива восьсӧн кырсаліс, куш яйсӧ ставныслы петкӧдліс. Чойыс моз сійӧ лоис Меным зывӧк.

Езекиль 23:18 ပူးပေါင်းရင်းမြစ်များ

Псалтыр 106:40

Сэки Господь чорыда янӧдӧ налысь юрнуӧдысьяссӧ, эновтӧ найӧс шӧйтны-ветлыны овтӧминӧд.

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Исай 57:8

Ӧдзӧс саяд да ӧдзӧс курич саяд тэ пуктывлін казьтыланпасъяс. Тэ эновтін Менӧ, тэ пӧрччысьлін да кайлін аслад куйланінӧ. Тэ паськӧдлін вольпасьтӧ, сёрнитчин накӧд, кодкӧд радейтан куйлынытӧ да видзӧдін налӧн яндзим вылӧ.

Еремей 12:8

Менам бӧрйӧм войтырӧй лев моз равзӧ Ме вылӧ, сійӧ кыпӧдӧ Ме вылӧ ассьыс гӧлӧссӧ, та вӧсна Ме мустӧмта сійӧс.

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 6:8

Вежӧрсяв, Ерусалим, медым Ме эг бергӧдчы тэысь, медым Ме эг вӧч тэнӧ овтӧминӧн, сэтшӧм муӧн, кӧні некод оз ов.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Бӧрданкыв 2:7

Ассьыс висьпуктанінсӧ Господь эновтіс, Ассьыс вежаинсӧ колис. Вӧрӧг киӧ сетіс Сион карлысь стенъяссӧ. Гажӧдчан лунӧ моз вӧрӧг кыпӧдіс гора шы Господьлӧн керкаын.

Езекиль 16:36

Господь Ыджыдыс тадзи висьталӧ: тэ ӧзъялін лёкколӧмӧн да кырсалігад мусукъясыд водзын да зывӧк идолъясыд водзын петкӧдлін куш яйтӧ, виин пиянтӧ да вайин идолъяслы вись пыдди.

Езекиль 21:24

Господь Ыджыдыс тадзи висьталӧ: ті асьныд Меным тӧд вылӧ уськӧданныд мыжнытӧ да лёк вӧчӧмнытӧ, петкӧдланныд тайӧс уджъяснаныд. Та вӧсна тіянӧс лоӧ пленӧ босьтӧма.

Езекиль 23:10

Найӧ куш яйӧдз пӧрччӧдісны сійӧс да виисны шыпуртӧн, а сылысь ныв-писӧ пленӧ босьтісны. Тадзи вӧлі мыждӧма сійӧс, и сы йылысь кутісны суклясьӧмӧн сёрнитны.

Езекиль 23:19

Но сійӧ ёнджыка на кырсаліс. Сылы тӧд вылас уси том кадыс, кор сійӧ кырсавліс Египет муын.

Езекиль 23:9

Та вӧсна Ме сеті сійӧс мусукъясыс киӧ, ассурсаяслы, кодъяс дінӧ сійӧ лёкколӧмнас ӧзъяліс.

Осий 2:2

– Мыжалӧй ассьыныд мамнытӧ, мыжалӧй, ӧд сійӧ Меным абу гӧтыр, и Ме сылы абу верӧс. Мед сійӧ пӧрччас чужӧм вывсьыс кырсалысь аньлысь вевттьӧдсӧ, мед шыбитас морӧс бердсьыс гозъякост олӧм пежалысьлысь мичмӧдчанторъяссӧ.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Амос 5:21

Ме мустӧмта гажӧдчан лунъяснытӧ, зывӧкта гажӧдчыны чукӧртчӧмнытӧ.

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Закар 11:8

Ӧти тӧлысьӧн ме вӧтлі куим видзысьӧс, дӧзми тшӧтш ыжъяс вылӧ, и найӧ мустӧмтісны менӧ.

Индӧд 32:19

Господь аддзис тайӧс [да ёна скӧрмис], скӧрмис Аслас ныв-пиыс вылӧ да ӧтдортіс найӧс.