1 Меным вӧлі Господьсянь кыв:
Тэ ӧмӧй верман шуны: «Ме сӧстӧм, ме эг юрбит Ваал идолъяслы». Видзӧдлы аслад уджъяс вылӧ, мӧвпыштлы, мый тэ вӧчин ковтысын! Тэ вӧлін том энь верблюд кодь, коді рӧдйӧн котралӧ ӧтарӧ-мӧдарӧ.
Аслад уна рӧма паськӧмӧн тэ мичмӧдін вись ваян мылькъястӧ, кӧні тэ кырсалін. Татшӧмторйыс некор на эз вӧвлы, и водзӧ оз ло.
Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.
«Морт пиӧй, мыжды тайӧ вир кисьтысь карсӧ! Уськӧд сылы тӧд вылас зывӧк уджъяссӧ.
Та вӧсна ме кисьта Ассьым скӧрлунӧс на вылӧ да Аслам ярлуна биӧн бырӧда найӧс. Ме мынтыся налы олан туйныс серти, – висьталӧ Господь Ыджыдыс».
«Морт пиӧй, кывзы. Олісны кык ань, ӧти мамлӧн нывъяс.
Кор Господь кутіс сёрнитны Осий пыр, Сійӧ шуис Осийлы: «Мун да босьт аслыд гӧтырӧ кырсалысь аньӧс. Босьт ас дінад тшӧтш сылысь чурка ныв-писӧ. Израиль му кырсалысь ань кодь, ӧд израильсаяс эновтісны Господьӧс, юрбитӧны мукӧд енъяслы».
Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.
Сэки пельсалӧн свинеч вевтыс воссис. Пельсаас пукаліс ань.
