Езекиль 22:6 - Коми Библия 2023

⁶ Израильса юралысьяс вир кисьтісны Ерусалимын – быдӧн кисьтіс, мыйта вермис.

Езекиль 22:6 ပူးပေါင်းရင်းမြစ်များ

Неемий 9:34

Миян ӧксыяс, юралысьяс, попъяс да батьяс эз овны Тэнад Индӧд серти, эз кывзыны Тэнсьыд тшӧктӧмъястӧ, вунӧдісны Тэнсьыд ӧлӧдӧмъястӧ.

Шусьӧгъяс 30:14

Курыд шог налы, кодъяслӧн пиньныс шыпурт кодь, черлыныс пурт кодь, кодъяс бырӧдӧны гӧльясӧс му вылысь, коньӧръясӧс – йӧз пӧвстысь.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 32:32

став лёк вӧчӧмсьыныс, мый вӧчисны Израиль войтыр, Иуда войтыр, налӧн ӧксыясныс, юралысьясныс, попъясныс, пророкъясныс, Иуда муын да Ерусалим карын олысьяс.

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Езекиль 21:12

Горзы, бӧрд, морт пиӧй, ӧд шыпуртыс кыпӧдчис Менам войтырӧй весьтӧ да израильса юралысьяс весьтӧ. Юралысьясӧс войтырӧйкӧд шыпурт улӧ сетӧма. Та вӧсна шогыдла кучкав морӧсад.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 22:3

Шу, мый Господь Ыджыдыс тадзи висьталӧ: курыд шог тэныд, вир кисьтысь кар. Бӧлбанъясӧс вӧчӧмнад тэ асьтӧ пежалан. Та вӧсна воис кад мыждыны тэнӧ.

Езекиль 45:8

Тайӧ му юкӧныс лоӧ Израильлӧн ӧксылы, медым Менам ӧксыяс эз дзескӧдны Менсьым войтырӧс, а лэдзисны Израиль чужанкотыръяслы лӧня овны налы юклӧм муяс вылын.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Закар 3:3

Исус сулаліс андел водзын няйт паськӧма.