Езекиль 22:26 - Коми Библия 2023

²⁶ Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Езекиль 22:26 ပူးပေါင်းရင်းမြစ်များ

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Еремей 15:19

Господь меным тадзи висьталіс: – Тэ кӧ бергӧдчан Ме дінӧ, Ме сибӧда тэнӧ, и тэ кутан сулавны Ме водзын. Тэ кӧ кутан висьтавны донаторсӧ, он кӧ кут сёрнитны ковтӧмсӧ, сэки тэ лоан Менам вомӧн. Йӧзыс бергӧдчасны тэ дінӧ, но тэ эн бергӧдчы на дінӧ.

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Езекиль 22:8

Меным сиӧм вежаторъясӧс нинӧмӧ пуктӧны, Менсьым шойччан лунӧс пежалӧны.

Езекиль 23:38

Со мый нӧшта вӧчисны Меным: ӧти и сійӧ жӧ лунӧ пежалісны Менсьым вежаинӧс да Менсьым шойччан лунӧс.

Езекиль 36:20

Но мукӧд войтыръяс пӧвстын оліганыс найӧ янӧдісны Менсьым вежа нимӧс. На йылысь шуӧны, тайӧ пӧ Господьлӧн войтырыс, но налы ковмис петны Сылӧн муысь.

Езекиль 42:20

Морт мурталіс крамлы торйӧдӧм мусӧ нёльнанладорсяньыс. Сійӧс кытшалысь стен быд боксянь вӧлі витсё бедь кузьта. Стенмыс торйӧдіс вежасӧ сыысь, мый абу вежа.

Езекиль 44:10

Левитъясӧс, кодъяс ылыстчисны Меысь, кор Израиль войтыр кежис Меысь да юрбитіс аслас идолъяслы, лоӧ мыждӧма мыжъяссьыныс.

Езекиль 44:23

Попъяс мед велӧдасны Менсьым войтырӧс торйӧдны, мый вежа, а мый абу вежа. Мед гӧгӧрвоӧдасны, мый пеж, а мый сӧстӧм.

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Езекиль 7:26

Шог бӧрся шог локтӧ, юӧр бӧрся – юӧр. Найӧ кутасны виччысьны, мый висьталасны пророкъяс асланыс аддзылӧм йылысь, кӧсъясны кывны попъяслысь велӧдӧмсӧ, но велӧдӧмыс оз ло, и пӧрысьяс туйдӧдны оз вермыны.

Левит 10:10

Кужӧй торйӧдны, мый вежа, а мый абу вежа, мый пеж, а мый сӧстӧм.

Левит 11:47

медым торйӧдны сӧстӧмсӧ пежсьыс да торйӧдны, кутшӧм пемӧсӧс позьӧ сёйны, а кутшӧмӧс оз.

Левит 13:43

Поп мед видзӧдлас сійӧс. Кушмӧм юрас либӧ плешкас кӧ лоӧма еджыд либӧ гӧрдов пыкӧс, мый вир-яйвывса проказа кодь,

Левит 20:25

Ті тшӧтш торйӧдӧй сӧстӧм пемӧсӧс пеж пемӧсысь, сӧстӧм лэбачӧс пеж лэбачысь. Энӧ пежалӧй асьнытӧ сэтшӧм пемӧс-лэбач да му вывті котралысь-веглясьысь вӧсна, кутшӧмӧс Ме шуи пежӧн.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Малакий 2:8

– Но ті кежинныд тіянлы индӧм туй вылысь, тіян велӧдӧм вӧсна унаӧн крукасисны. Ті торкинныд Менсьым йитӧдӧс, мый Ме кӧрталі Левийкӧд, – висьталӧ Господь Саваоф. –

Римӧ 2:24

Гижӧма: «Енлысь нимсӧ тіян вӧсна омӧльтӧны ентӧдтӧмъяс».

Ӧксыяслӧн 1 небӧг 2:22

Илий вӧлі ёна нин пӧрысь. Сылы кывсис, мый Израиль войтырлӧн вись вайигӧн сылӧн пияныс шогмытӧмтор вӧчӧны, и нӧшта на, мый узьлӧны аньяскӧд, кодъяс кесъялӧны вежа чом пыранінын.

Ӧксыяслӧн 1 небӧг 2:29

Мыйла ті нинӧмӧ пуктанныд Меным вайӧм висьяссӧ да вайӧмторъяссӧ, мый Ме тшӧкті вайны Аслам керкаӧ? Мыйла тэ ассьыд пиянтӧ пуктан Меысь вылӧджык? Ті тшӧгӧдчанныд медбур яйнас, мый вайӧ Меным Израиль войтырӧй.