Езекиль 22:2 - Коми Библия 2023

² «Морт пиӧй, мыжды тайӧ вир кисьтысь карсӧ! Уськӧд сылы тӧд вылас зывӧк уджъяссӧ.

Езекиль 22:2 ပူးပေါင်းရင်းမြစ်များ

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 2:34

Тэ эн су коньӧр йӧзӧс гусясиганыс, но паськӧмыд ляксьӧма тайӧ мыжтӧм йӧзлӧн вирнас. И та вылӧ видзӧдтӧг

Езекиль 11:6

Тіян вӧсна тайӧ карас виӧма уна йӧзӧс да карса туйяссӧ тыртӧма шойясӧн.

Езекиль 20:4

Морт пиӧй, мыжды найӧс. Тӧд выланыс уськӧд батьясныслысь зывӧк уджъяссӧ.

Езекиль 22:1

Меным вӧлі Господьсянь кыв:

Езекиль 22:3

Шу, мый Господь Ыджыдыс тадзи висьталӧ: курыд шог тэныд, вир кисьтысь кар. Бӧлбанъясӧс вӧчӧмнад тэ асьтӧ пежалан. Та вӧсна воис кад мыждыны тэнӧ.

Езекиль 24:6

Господь Ыджыдыс тадзи висьталӧ: – Курыд шог вир кисьтысь карлы! Курыд шог пӧртйыслы, кодлӧн пытшкӧсыс няйтысла пурзьӧма. Перъяв пӧртсьыс яйтор бӧрся яйтор, эн пудъясь да эн бӧрйысь.

Езекиль 24:9

Господь Ыджыдыс тадзи висьталӧ: – Курыд шог вир кисьтысь карлы! Ме ӧзта ыджыд бипур.

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Наум 3:1

Курыд шог вир кисьтысь карлы! Сійӧ тырӧма ылӧгӧн, виалӧмӧн, сэні дугдывтӧг куштӧны-мырддялӧны.

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Лука 11:50

Тадзи ӧнія олысьяслы ковмас мынтысьны став пророкыслӧн вирысь, мый кисьтӧма му пуксьӧмсяньыс:

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.