Езекиль 22:15 - Коми Библия 2023

¹⁵ Ме разӧда тэнӧ войтыръяс пӧвстӧ, шердъя мукӧд муясӧ. Ме пукта пом тэнад пеж уджъяслы.

Езекиль 22:15 ပူးပေါင်းရင်းမြစ်များ

Неемий 1:8

Казьтышт, мый Тэ шулін Аслад Мӧисей кесйӧглы: ”Ті кӧ эновтанныд Менӧ, Ме разӧда тіянӧс мукӧд войтыръяс пӧвстӧ.

Исай 1:25

Ассьым киӧс Ме лэпта тэ вылӧ, сывда-весала тэнӧ, торйӧда тэысь став сорассӧ.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Езекиль 20:23

Овтӧминын Ме киӧс лэптӧмӧн кыв сеті налы, мый разӧда найӧс войтыръяс пӧвстӧ, шыблала найӧс мукӧд муясӧ

Езекиль 20:38

Тіян пӧвстысь торйӧда Меным паныд кыпӧдчысьясӧс да Менсьым кывзысьтӧмъясӧс. Ме петкӧда найӧс муысь, кӧні найӧ олӧны локтысьяс моз, но Израиль муӧ найӧ оз пырны. Сэки ті тӧдмаланныд, мый Ме – Господь.

Езекиль 22:18

«Морт пиӧй, Израиль войтыр Меным лои шыбласӧн. Ставныс найӧ ыргӧн, озысь, кӧрт да свинеч кодьӧсь – биын сывдӧм эзысьысь торъялӧм шыблас кодьӧсь.

Езекиль 22:22

Пачын эзысьӧс сывдӧм моз тіянӧс лоӧ сывдӧма Ерусалимын. Сэки ті тӧдмаланныд, мый Ме, Господь, кисьті Ассьым скӧрлунӧс тіян вылӧ».

Езекиль 23:27

Ме пукта пом тэнад лэдзчысьӧм олӧмлы да кырсалӧмлы. Египет муысь локтӧмсянь тэ олін лэдзчысьӧмӧн да кырсалӧмӧн, но водзӧ он кӧсйы тадзи овны, Египетын олӧмтӧ он нин кӧсйы казьтывны.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Езекиль 36:19

Ме разӧді найӧс мукӧд войтыръяс пӧвстӧ, ӧні найӧ олӧны мукӧд муясын. Ме мыжді найӧс оласног да уджъяс сертиныс.

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Малакий 3:3

Сійӧ пуксяс, медым сывдыны-весавны эзысь. Сійӧ весалас Левийлысь пиянсӧ, сывдас найӧс эзысь-зарниӧс моз, медым найӧ торкавтӧг вайисны Господьлы вись.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

1 Петыр 4:12

Мусаяс, тіянлы кӧ паныдасьӧны топӧдан сьӧкыдлунъяс, тайӧ мед оз шензьӧд тіянӧс. Ӧд сьӧкыдлуныс паныдасьӧ, медым тӧдмавны тіянӧс.