Езекиль 22:12 - Коми Библия 2023

¹² Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Езекиль 22:12 ပူးပေါင်းရင်းမြစ်များ

Неемий 5:1

Уна айулов гӧтыръясныскӧд пондісны ёна элясьны иудей вокъясныс вылӧ.

Неемий 5:7

Мӧвпалӧм бӧрын ме чорыда сёрниті нималана йӧзкӧд да веськӧдлысьяскӧд. Ме шуи налы: «Сетӧм уджйӧзнытӧ ті содтӧдӧн босьтанныд асланыд вокъяслысь». Ме чукӧрті войтырӧс, медым на водзын мыжавны нималана йӧзӧс да веськӧдлысьясӧс.

Псалтыр 106:21

Ошкӧй Господьӧс Сылӧн буралӧмысь да шензьӧдана уджъясысь, мый Сійӧ вӧчӧ йӧзыслы!

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 17:10

Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Езекиль 23:35

Господь Ыджыдыс тадзи висьталӧ: тэ бергӧдчин Меысь да вунӧдін Менӧ, сідзкӧ, лэдзчысьӧм оласногыд да кырсалӧмыд вӧсна ну сьӧкыдтӧ».

Езекиль 36:12

Ме вайӧда Израиль керӧсъяс вылӧ йӧзӧс, и найӧ кутасны ветлӧдлыны сэті. Менам Израиль войтыр босьтас аслыс тайӧ мусӧ, мый вичмӧдӧма сылы. Тайӧ муыс оз нин вай сылы кулӧм.

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Левит 25:37

Сетан кӧ сылы уджйӧзӧн сьӧм, бӧрсӧ содтӧдӧн эн босьт. Сетан кӧ сылы нянь, сетӧм дорсьыд унджык эн босьт.

Амос 8:4

Кывзӧй, гӧльясӧс талялысьяс да коньӧръясӧс дзескӧдысьяс!

Амос 8:6

Тадзи гӧльясӧс ньӧбам эзысь сьӧмысь, коньӧръясӧс – кӧм гозйысь. Нянь пыдди весиг кыдсӧ вузалам».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Матвей 23:25

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті тасьті-дозмуклысь ортсысӧ весаланныд, а пытшкӧсыс гусясьӧмӧн да ылӧдчӧмӧн тырӧма.

Лука 18:11

Фарисей сувтӧмӧн кевмысис вомгорулас: ”Енмӧй, аттьӧала Тэнӧ, мый ме абу мукӧдыс кодь: ог горшась, ог пӧръясь, гозъякост олӧм ог пежав. Ме абу тайӧ вот перйысьыс кодь.

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Лука 3:13

Сійӧ вочавидзис налы: «Энӧ босьтӧй тіянлы тшӧктӧмасьыс унджыксӧ».

1 Коринфӧ 5:11

Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Индӧд 23:19

Кор ас войтырысь мортлы сетанныд уджйӧзӧн сьӧм, сёян-юан либӧ мукӧдтор, бӧрсӧ сылысь содтӧдӧн энӧ босьтӧй.

Индӧд 27:25

”Ёрӧм улӧ веськалӧ быдӧн, коді босьтӧ козин, медым вины мыжтӧмӧс”. И став войтырыс мед шуас: ”Мед лоӧ тадзи!”

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.