Езекиль 21:27 - Коми Библия 2023

²⁷ Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.

Езекиль 21:27 ပူးပေါင်းရင်းမြစ်များ

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 33:21

Тадзи жӧ абу вермана торкны Менсьым йитӧдӧс, мый Ме кӧрталі Аслам Давид кесйӧгкӧд. Ӧд Ме кӧсйыси, мый Давидлӧн юралан пуклӧсын пыр кутас пукавны сылӧн пиыс. Тадзи жӧ абу вермана торкны Менсьым йитӧдӧс, мый Ме кӧрталі поп-левитъяскӧд, Аслам кесъялысьяскӧд.

Еремей 33:26

сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Езекиль 21:13

Менсьым войтырӧс тӧдмалӧма нин. А войтырыс кӧ мустӧмтӧ юралан бедьсӧ, юралӧмыс оз вермы сулавны, – висьталӧ Господь Ыджыдыс.

Езекиль 34:23

Ме сувтӧда Аслам ыжъяслы видзысьӧс, Ассьым Давид кесйӧгӧс. Сійӧ кутас видзны найӧс да тӧждысьны на вӧсна.

Езекиль 34:24

Ме, Господь, лоа налӧн Енмӧн, а Менам Давид кесйӧгӧй лоас на пӧвстын ӧксыӧн. Тайӧс висьталі Ме, Господь.

Езекиль 4:2

Карсӧ босьт кытшӧ. Кар гӧгӧрыс лэпты тымӧд, сувтӧдав тышкайӧзӧс да стен жуглан керъяс.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Аггей 2:7

Ме пыркнита став войтыръяссӧ, и найӧ ваясны ассьыныс озырлунсӧ крамӧ. Ассьым крамӧс Ме тырта дзирдлунӧн, – висьталӧ Господь Саваоф. –

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Лыд 24:19

Яков рӧдысь петас юралысь, сійӧ бырӧдас вӧрӧглӧн карысь коляс войтырсӧ.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Лука 1:32

Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Лука 1:69

Давид кесъялысьыслӧн чужанвужйысь Сійӧ сетіс миянлы Вына Мездысьӧс.

Лука 2:11

Талун Давид карын тіянлы чужис Мездысь – Господь Кристос.

Иоан 1:4

Сы пытшкын вӧлі олӧм. Олӧмыс йӧзыслы вӧлі югыдӧн.

Иоан 1:9

Збыль Югыдыс, быд мортӧс югдӧдысь, локтіс муюгыдас.

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.