Езекиль 20:7 - Коми Библия 2023

⁷ Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Езекиль 20:7 ပူးပေါင်းရင်းမြစ်များ

2 Каднебӧг 15:8

Кор Аса кыліс Азарий пророклысь тайӧ кывъяссӧ да пророкалӧмсӧ, сійӧ збоймис да бырӧдіс став зывӧк идолсӧ Иуда да Венямин муясысь, тшӧтш Ефрем керӧсвывса каръясысь, кодъясӧс сійӧ босьтіс тышын. Сійӧ дзоньталіс Господьлысь висьпуктанінсӧ, коді сулаліс Господьлӧн крам посводзлы воча.

Петӧм 16:12

«Ме кылі Израиль пиянлысь ропкӧмсӧ. Висьтав налы тадзи: рытнас ті кутанныд сёйны яй, а асывнас ті пӧттӧдзныд сёянныд нянь. Сэки ті тӧдмаланныд, мый Ме – Господь, тіян Енныд».

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Петӧм 20:5

Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Исай 31:7

Сійӧ лунӧ ті ставныд шыбитанныд ассьыныд эзысь да зарни идолъяснытӧ, мыжа киӧн вӧчӧмторъяснытӧ.

Езекиль 14:6

Та вӧсна шу Израиль войтырлы, мый Господь Ыджыдыс тадзи висьталӧ: бергӧдчӧй Ме дінӧ, эновтӧй идолъяснытӧ, кольӧй зывӧкторъяснытӧ.

Езекиль 18:15

вись ваян мыльк вылын оз сёй да Израиль войтырлӧн идолъяслы оз юрбит, мӧдлӧн гӧтыркӧд оз узьлы,

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 18:6

оз сёй вись ваян мыльк вылын да оз юрбит Израиль войтырлӧн идолъяслы. Сійӧ оз узьлы мӧдлӧн гӧтыркӧд да оз инмӧдчы аслас гӧтыр дінӧ тӧлысся дырйиыс.

Езекиль 20:19

Ме – Господь, тіян Енныд. Олӧй Менам индӧд-тшӧктӧмъяс серти.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 23:7

Огола кырсаліс нималана ассурса зонъяскӧд, ӧзъяліс лёкколӧмнас на дінӧ, пежаліс асьсӧ налӧн идолъяслы юрбитӧмнас.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Езекиль 34:24

Ме, Господь, лоа налӧн Енмӧн, а Менам Давид кесйӧгӧй лоас на пӧвстын ӧксыӧн. Тайӧс висьталі Ме, Господь.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Левит 18:2

«Висьтав Израиль пиянлы: Ме – Господь, тіян Енныд.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Левит 20:7

Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме – Господь, тіян Енныд. [Ме вежа.]

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.