Езекиль 20:41 - Коми Библия 2023

⁴¹ Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Езекиль 20:41 ပူးပေါင်းရင်းမြစ်များ

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Ӧксыяслӧн 2 небӧг 24:23

Ставсӧ ме сета тэныд, ӧксыӧй!» И нӧшта Орнан шуис ӧксылы: «Господь, тэнад Енмыд, мед лоӧ бур сьӧлӧма тэ дінӧ!»

Исай 5:16

Но Господь Саваоф веськыда мыждӧ, та вӧсна Сійӧс лоӧ ыдждӧдлӧма. Аслас веськыда вӧчӧмнас вежа Ен петкӧдлас Ассьыс вежалунсӧ.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Еремей 30:3

Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Еремей 32:37

тайӧ карас олысьясӧс Ме чукӧрта быд муысь, кытчӧ Ме вӧтла найӧс ёна лӧгалігӧн да скӧралігӧн. Ме бӧр вайӧда найӧс тайӧ карас, и найӧ кутасны повтӧг овны.

Езекиль 11:17

Та вӧсна шу, мый Господь Ыджыдыс тадзи висьталӧ: Ме чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме бӧр сета тіянлы Израиль му.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 28:22

Шу, мый Господь Ыджыдыс тадзи висьталӧ: Ме паныд сувта тэныд, Сидон, да нимӧда Ачымӧс сы пыр, мый тэныд вӧча. Ме мыжда Сидонӧс да сэні петкӧдла Ассьым вежалунӧс. Сэки тэнад олысьясыд тӧдмаласны, мый Ме – Господь.

Езекиль 28:25

Господь Ыджыдыс тадзи висьталӧ: Ме чукӧрта Израиль войтырӧс мукӧд войтыръяс пӧвстысь, кытчӧ найӧс вӧлі разӧдӧма. Та пыр Ме петкӧдла Ассьым вежалунӧс мукӧд войтыръяслӧн син водзын. Израиль войтыр пондас овны аслас муын, мый Ме сеті Аслам Яков кесйӧглы.

Езекиль 34:11

Господь Ыджыдыс тадзи висьталӧ: Ме Ачым корся Ассьым ыжъясӧс да кута тӧждысьны на вӧсна.

Езекиль 34:19

Менам ыжъяслы лоӧ йирсьыны талялӧм видз вылын да юны гудыртӧм ва.

Езекиль 37:25

Найӧ кутасны овны муын, мый Ме сеті Аслам Яков кесйӧглы. Сэні олісны налӧн батьясныс, и сэні пондасны овны найӧ да налӧн ныв-пиныс, и водзӧ нэмъяс чӧж – насянь чужысьяс. Менам Давид кесйӧгӧй лоӧ налӧн ӧксынас нэмъяс чӧж.

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

Езекиль 38:8

Уна кад мысти тэ ковман. Сэки тэ уськӧдчан сійӧ му вылӧ, кӧні кар-сиктъяссӧ лэптӧма тыш бӧрын, и кытчӧ олысьяссӧ чукӧртӧма мукӧд войтыръяс пӧвстысь. Тэ уськӧдчан Израиль керӧсъяс вылӧ, кӧні дыр кад чӧж некод эз ов, но кытчӧ олысьясыс бергӧдчӧмаӧсь мукӧд войтыръяс пӧвстысь. Найӧ повтӧг олӧны,

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:17

Гулюӧс бордъясӧдыс кутӧмӧн мед вожӧдас, но оз торйӧд кык пельӧ, сэсся мед пуктас сійӧс висьпуктанінӧ сотчысь пес вылӧ. Тайӧ лоӧ сотан вись, Господьлы чӧскыд ӧвтантор».

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Лыд 20:13

Ва петанінсӧ нимтісны Мериваӧн. Сэні Израиль пиян вензисны Господькӧд, и Господь петкӧдліс налы Ассьыс вежалунсӧ.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

2 Коринфӧ 2:15

Ен водзын ми – Кристослӧн чӧскыд ӧвтанторъяс. Тайӧ дуксӧ тӧдӧны мездмӧмаяс и вошӧмаяс.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

1 Петыр 3:15

Господь Енмӧс вежавидзӧмӧн медвылӧ пуктӧй сьӧлӧманыд. Юалас кӧ кодкӧ лачаныд йылысь, пыр лоӧй дасьӧсь вочавидзны сылы. Вочавидзӧй рам сьӧлӧмӧн да Енсьыс полӧмӧн.