Езекиль 20:28 - Коми Библия 2023

²⁸ Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 20:28 ပူးပေါင်းရင်းမြစ်များ

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 4 небӧг 17:10

Быд джуджыд мыльк вылӧ да быд пашкыр пу улӧ найӧ сувтӧдалісны юрбитан изъяс да юрбитан пуяс.

Ӧксыяслӧн 4 небӧг 17:12

Найӧ юрбитісны идолъяслы, эз кывзыны Господьлысь ӧлӧдӧмсӧ.

Ӧксыяслӧн 4 небӧг 17:9

Израильсаяс вӧчисны асланыс Господь Ен водзын шогмытӧмсӧ. Найӧ вӧчалісны вись ваян мылькъяс став асланыс изкаръясын да ичӧт каръясын, кӧні эз вӧв карса стенмыс, а сулаліс сӧмын видзӧдан башня.

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 19:13

Ерусалим карлӧн керкаясыс да иудаса ӧксыяслӧн керкаясыс лоӧны Тофет кодь пежӧсь. Тадзи лоӧ став керкаясыскӧд, кӧні вевт вылас тшынӧдчисны енэжвыв кодзувъяслы да вайисны вина вись мукӧд енъяслы».

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 32:30

Ӧд Израиль войтыр да Иуда войтыр том кадсяньыс вӧчисны сӧмын лёксӧ, вӧчисны Менам син водзын шогмытӧмсӧ. Израиль войтыр сӧмын дӧзмӧдіс Менӧ аслас уджъясӧн, – висьталӧ Господь. –

Езекиль 16:19

Шобді пызь, олив вый да ма, мыйӧн Ме верді тэнӧ, тэ вайин налы чӧскыда ӧвтан вись пыдди. Со мый тэ вӧчин, – висьталӧ Господь Ыджыдыс.

Езекиль 16:24

тэ кыпӧдін юрбитан мыльк быд изэрд вылӧ

Езекиль 20:15

Овтӧминын Ме киӧс лэптӧмӧн кыв сеті налы, мый ог петкӧд найӧс сійӧ муас, мый кӧсйыси сетны налы, мича да бур муӧ, кӧні визувтӧ йӧв да ма.

Езекиль 20:29

Ме юалі налысь, мыйсяма мыльк вылӧ найӧ ветлывлӧны. Та вӧсна татшӧм висьваянінъяссӧ ӧнӧдз шуӧны мылькъясӧн.

Езекиль 20:6

Сійӧ лунӧ Ме кыв сеті налы, мый петкӧда найӧс Египет муысь сійӧ муас, мый Ме бӧрйи налы, мича да бур муӧ, кӧні визувтӧ йӧв да ма.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Левит 17:5

Тайӧс тшӧктӧма сы могысь, медым Израиль пиян эз нин начкыны пемӧсъяссӧ бокын, а вайӧдісны найӧс Господь водзӧ вежа чом пыранін дорӧ поплы, и сэні начкисны Господьлы бурасян вись пыдди.

Нав Исус 23:14

Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.