Езекиль 20:12 - Коми Библия 2023

¹² Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Езекиль 20:12 ပူးပေါင်းရင်းမြစ်များ

Олӧм 2:3

Ен бурсиис сизимӧд лунсӧ да вежӧдіс сійӧс, ӧд сэки шойччис став Аслас уджысь.

Неемий 9:14

Тэ сетін налы тшӧктӧм Аслад вежа шойччан лун йылысь, юӧртін Аслад Мӧисей кесйӧг пыр индӧд-тшӧктӧмъястӧ.

Петӧм 16:29

Видзӧдӧй, Господь сетіс тіянлы шойччан лун, та вӧсна квайтӧд лунӧ Сійӧ сетӧ тіянлы няньсӧ кык лун кежлӧ. Сизимӧд лунӧ мед некод оз пет аслас оланінысь».

Петӧм 35:2

Квайт лун уджалӧй, а сизимӧд луныс мед лоӧ тіянлы вежа. Тайӧ луныс шойччан лун, сиӧма Господьлы. Тайӧ лунӧ коді кутас уджавны, сійӧс лоӧ виӧма.

Исай 56:2

Шуда сійӧ мортыс, коді олӧ веськыда, коді кутчысьӧ веськыдлунас, коді пыдди пуктӧ шойччан лун, оз пежав сійӧс, коді видзӧ ассьыс кисӧ лёк вӧчӧмысь.

Еремей 17:22

Шойччан лунӧ энӧ петӧй гортсьыныд нопйӧн, энӧ вӧчӧй некутшӧм удж. Шойччан луныс мед лоӧ тіянлы вежа, кыдзи Ме тшӧкті тіян батьяслы.

Езекиль 20:20

Видзӧй Менсьым вежа шойччан лунӧс. Тайӧ луныс лоӧ Ме да тіян костын пасӧн, медым ті тӧдінныд, мый Ме – Господь, тіян Енныд.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Езекиль 37:28

Менам вежаинӧй нэмъяс чӧж лоӧ на шӧрын. Та серти мукӧд войтыръяс тӧдмаласны, мый Ме, Господь, Израильӧс Вежӧдысь».

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Левит 20:8

Олӧй Менам тшӧктӧмъяс серти, ӧд Ме – Господь, тіянӧс Вежӧдысь.

Левит 21:15

медым эз пежав ассьыс водзӧ чужысьяссӧ. Ме – Господь [Ен], сійӧс Вежӧдысь».

Левит 21:23

Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 23:24

«Висьтав Израиль пиянлы: сизимӧд тӧлысьлӧн медводдза луныс лоӧ тіянлы шойччан лун. Сэки буксӧй буксанӧн, медым юӧртны, мый тіян лоас вежа чукӧртчӧм.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Левит 23:32

Тайӧ мед лоӧ тіянлы шойччан лун. Тайӧ лунӧ тіянлы колӧ раммӧдчыны-видзавны. Тӧлысьлӧн ӧкмысӧд лун рытсяньыс дасӧд лун рытӧдзыс тіян мед лоӧ шойччӧг».

Левит 23:39

Сизимӧд тӧлысьлӧн дас витӧд лунсянь, быдтаснытӧ чукӧртӧм бӧрын, тіян мед лоӧ Господьлы сиӧм гаж. Гажӧдчӧй сизим лун чӧж. Гажлӧн медводдза да кӧкъямысӧд лунъясӧ тіян мед лоӧ шойччӧг.

Левит 25:4

Но сизимӧд вонас муыслӧн мед лоӧ Господьлы сиӧм шойччан во. Сэки мунытӧ энӧ кӧдзӧй, виноград вожъяснытӧ энӧ вундалӧй.

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.